Жатайга икки палубалаах буксир умайда

Саха сиригэр ааспыт суукка устата аҕыс техногеннай баһаар буолбутун туһунан Саха сиринээҕи Ыксаллаах быһыы-майгы министиэристибэтэ иһитиннэрэр. Өлбүттэр, эчэйбиттэр суохтар.

Мииринэйгэ чааһынай баанньык, «Саталга» чааһынай дьиэ, Дьокуускайга икки этээстээх гараас, Нерюнгрига массыына уонна Алдаҥҥа вагончик умайбыттар.

Өрөспүүбүлүкэтээҕи баһаарынайдар Хаандыга бөһүөлэгэр гараас кооперативыгар уонна Жатайга икки палубалаах буксирга уот турбутун умуруорбуттар.