Жатайга итирик эр киһи массыынаны уора сатаабыт

Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын туһунан иһитиннэрбит. Бу туһунан СӨ ИДьМ пресс-сулууспата иһитиннэрэр.

Быһаарыллыбытынан, дьахтар массыынатын тиэргэнигэр туруорбут уонна дьиэтигэр киирбит. Онтон төннөн, массыынатын гарааска угаары тахсыбыт. Массыынатын солуонугар итирик киһи олорор эбит. Дьахтар тута полицияҕа эрийбит.

Бэрэбиэркэ кэмигэр быһаарыллыбытынан, бу Дьааҥыттан төрүттээх 25 саастаах киһи Строд уулуссатыгар сылдьан парковкаланан турар массыынаны көрбүт. Массыынаҕа киирэн собуоттуу сатаабыт даҕаны, хаһаайка тиийэн кэлбит.

Холуобунай дьыала тэриллибит.