Жатайга куортамҥа бэриллэр дьиэни бэлэмнээн бүтэрэн эрэллэр

Жатай бөһүөлэгэр тоҕус мэндиэмэннээх дьиэ тутуллан бүттэ. Бу Жатайдааҕы суудунаны тутааччылары олордорго анаммыт.

Корзинников уулуссатыгар турар саҥа дьиэ 106  кыбартыыралаах, итинтэн 72 — биирдии хостоохтор, 34 — иккилии. Дьиэ уопсай иэнэ 7400  кв.м. тахса, олорор сирэ — 5  тыһ. кв.м. тахса.

Билигин кыбартыыраны миэбэлинэн уонна наадалаах тэрилинэн хааччыйаллар. Бу үлэни 2025 сыл бэс ыйыгар түмүктүүр былааннаахтар. Ол кэнниттэн бары кыбартыыралар «Жатайдааҕы судоверьф» АО куортамҥа бэриллэллэр.

Сыл бүтүөр диэри өссө үс эбийиэги тутан киллэрэри былаанныыллар: Дьокуускайга (141 кыбартыыра), Нерюнгрига (192 кыбартыыра), Алдаҥҥа (28 кыбартыыра). Бары тутуулар бигэргэтиллибит кыраапыгынан баран иһэллэр уонна наадалаах тэхиньиичэскэй хонтуруол ыытыллар.

Сиһилии https://www.sakha.gov.ru/news/6838 манна ааҕыҥ.

СӨ Ил Дарханын уонна Бырабыыталыстыбатын пресс-сулууспата