Хаартыска: Жатай дьаһалтатын пресс-сулууспата
Бэс ыйын 2 күнүгэр Жатайга В.П. Шамшин аатынан бульвар үөрүүлээх аһыллыыта буолла. Бу уопсастыбаннай сир иһин 2022 сылга бөһүөлэк үгүс олохтооҕо куоластаабыт.
2023 сыллаахха бульвар бырайыага РФ субъектарыгар тупсарыллыбыт куорат эйгэтин тэрийии куонкуруска бастаабыта уонна бастакы түһүмэҕи олоххо киллэриигэ федеральнай гранын кыайбыта. Куонкурус сайаапкатын Ил Дархан иһинэн Дьокуускай куорат эйгэтин уонна архитектура градостроительствотын управлениета уонна LETO киин бэлэмнээбиттэр. Бу туһунан Жатай дьаһалтатын пресс-сулууспата суруйар.
Биллэн турар, бульвары арыйыы куорат инфраструктуратын тупсарыыга дьоһун хардыынан буолар диэн Архитектура уонна куорат тутуу управлениетын салайааччыта Любовь Папок бэлиэтиир. Кини оҕолору бырааһынньыгынан эҕэрдэлээтэ. Бу эбийиэк олоххо киириитигэр кыттыбыт дьоҥҥо барыларыгар махталын биллэрдэ.
Саҥа бульвар уһулуччулаах Владислав Павлович Шамшин аатын сүгэр. Кини Саха сирин уонна Жатай сайдыыларын историятыгар сүҥкэн оруолу оонньообута. Кини Жатайдааҕы суудунаны өрөмүөннүүр собуот салайааччытытынан, норуот дьокутаатынан, кэлин Саха АССР Миниистирдэрин Сэбиэтин бэрэссэдээтэлинэн үлэлээбитэ. Владислав Павлович Жатай бөһүөлэгин Бочуоттаах олохтооҕо.
NOMADO архитектурнай бюро бырайыагынан бульвар кэнсиэпсийэтэ улахан өрүһү уонна судоходствоны кытта сибээстээх. Бульварга ураты миэстэни саҕа холбоммут фонтан ылар. Жатай 2017 сылтан «Олорор дьиэ уонна куорат эйгэтэ» национальнай бырайыака ситиһиилээхтик кыттар. Ити кэмҥэ иһигэр Жатайга элбэх кыбартыыралаах дьиэлэр территориялара тупсарыллыбыттар, киин болуоссата саҥардыллыбыт.
«Салгыы В.П. Шамшин аатынан бульвар бырайыагын олоххо киллэрии күүтэр», — диэтэ «Жатай» КУо баһылыгын солбуйааччы Руслан Кречетов. Олохтоохтору саҥа бырайыактарга көхтөөхтүк куоластыырга ыҥырда.
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит. Уобаластааҕы Роспотребнадзор чахчыларынан, Таиланд Королевствотыттан…
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…