«Знай наших» куонкурус технология биисинэһигэр көмөтө

«Знай наших» Арассыыйа бренин куонкуруһугар сүрүн номинацияҕа хастыы да лиидэр баар. Кыайыылаахтар дьыалабыай сибээскэ, үөрэххэ, брени тарҕатыыга өйөбүлү ылыахтара.

«ИТ айан таһаарааччыларга үөрэтии уонна эспиэрдэр өйөбүллэрэ туһалаах— интеллеги бас билиини харыстааһынтан саҕалаан сертификацияны ылыыга тиийэ. Бастыҥнар дьыалабыай өттүнэн сибээстэһиигэ көмөнү ылыахтара. Бэс ыйын 1 күнүгэр диэри знайнаших.аси.рф киирэн сайаапкалааҥ уонна эспиэрдэр сыанабылларын ааһыҥ»,— диэтэ салайар дириэктэр, ВЭБ.РФ кылаабынай стратега, «Новый бизнес» хайысха дириэктэрин солбуйааччы Михаил Хомич.

«Высокие технологии» номинация кыайыылаахтара наукаҕа уонна инженерияҕа инновацияны киллэрээччилэр бөдөҥ хампаанньалар былаһааккаларыгар кыттар кыахтаахтар. Холобур, РЖД «PRO//Движение. Экспо» быыстапкатыгар истиэндэлэрин туруорарга кыах биэриэҕэ. Росконгресс тэрээһиннэригэр босхо кытыннарыаҕа.

«Информационные технологии» номинация кыайыылаахтара, бырагыраамаҕа уонна аппаракка үлэлээччилэр, идэлэрин таһымын сайыннарыахтара. Роспатент Научнай-үөрэтэр кииҥҥэ үөрэттэриэ. Роскачество норуоттар икки ардыларынааҕы пуорумнарга кытыннарыа. Сколково менторствоны өйүүргэ бэлэм бырагырааманан көмөлөһүөҕэ. «Деловая Россия» топ-5 брени төрүттээччини Генеральнай сэбиэккэ ыҥырар.

Куонкурус сыала — кэскиллээх бреннэргэ көмөлөһүү. Куонкурус үһүс сезонугар 12,5 тыһ. тахса бренд кыттыа. Башкортостан, Татарстан, Нижегородскай уобалас, Москва, Мордовия бастыҥнар.
Тэрийээччилэр — Стратегическай көҕүлээһиннэр агентстволара уонна ВЭБ.РФ өйөбүлүнэн Росконгресс пуонда.