“Знание.Первые” сырдатар марафон кулун тутарга саҕаланар

Билиҥҥи кэм глобальнай кыһалҕалара, билим уонна култуура улуу ситиһиилэрэ, устуоруйа чахчылара уонна үгэс буолбут сыаннастары тутуһуу — бу уонна да атын дьоһуннаах тиэмэлэри ыччат иннигэр “Знание.Первые” сырдатар марафон спикердара ырытыахтара.

Марафону Арассыыйатааҕы “Знание” уопсастыба Аан дойдутааҕы ыччат бэстибээлин чэрчитинэн кулун тутар 2-6 күннэригэр ыытыаҕа.

Марофоҥҥа сүүстэн тахса спикер кыттыахтара, 20 тыһыынча бэстибээл кыттыылаахтарын иннигэр араас хайысхалаах тиэмэлэри сырдатыахтара. Ыччат иннигэр аатырбыт бөҕөс Александр Карелин, Арассыыйа Тас дьыалаларга миниистирэ Сергей Лавров, Үөрэҕирии миниистирэ Сергей Кравцов, Билим уонна үрдүк үөрэх миниистирэ Валерий Фальков, эрэгийиэннэр губернатордара уо.д.а. тыл этиэхтэрэ.

Омук дойдуларыттан элбэх спикер кэлэрэ күүтүллэр. Олор истэригэр Сербия режиссера Эмир Кустурица, Турция киинэтин артыыстара Бурак Озчивит уонна Сыла Тюркоглу, аатырбыт футболист Роберто Карлос, уо.д.а. биллиилээх дьон кэлиэхтэрэ.

Сиһилии бу тэрээһин туһунан манна ааҕыахха сөп.