СӨ бастакы Бэрэсидьиэнэ Михаил Николаев “Билиигинэн кыайыылаах тахсыаҥ” (Знанием победишь) диэн анал истипиэндьийэтин быйылгы кыайыылаахтара билиннилэр.
Бу истипиэндьийэҕэ талааннаах, бастыҥ үөрэхтээх, бүтүн Арассыыйатааҕы олимпиада, научнай кэмпиэриэнсийэлэр кыайыылаахтара, бастыҥ идэлээх учууталлар, наука, үөрэх, култуура эйгэтигэр ситиһиилээх үлэһиттэр тиксэллэр. Бу испиэндьийэни кимнээххэ биэрэри уопсастыбаннай хамыыһыйа быһаарар. Быйыл уопсайа 73 сайаапка киирбит. Мантан 47 сайаапка оскуола үөрэнээччилэриттэн, түөрдэ устудьуоннартан, 22-тэ учууталлартан киирбит.
Истипиэндьийэни СӨ бастакы Бэрэсидьиэнэ Михаил Николаев олохтообута. Анал истипиэндьийэ хаһаайыттарынан үс үөрэнээччитэ уонна икки учуутал буоллулар. Ол курдук, истипиэндьийэни Таатта улууһун Ытык Күөл оскуолатын 10-с кылааһын үөрэнээччитэ Вольдемар Другин, Чурапчы улууһун Чурапчытааҕы гимназия 11-с кылааһын үөрэнээччитэ Дуолан Ноев, Дьокуускайдааҕы Муусука үрдүкү оскуолатын 8-с кылааһын үөрэнээччитэ Айсулу Туркебаева уонна Томпо улууһун Кириэс Халдьаайы оскуолатын биологияҕа учуутала Алена Николаевна Сыромятникова, Арассыыйа Улахан тыйаатырын ыччат опернай бырагыраамматын концертмейстера Николай Николаевич Едукин ылыахтара. Анал истипиэндьийэни үөрүүлээх быһыыга-майгыга туттарыы сэтинньи 13 күнүгэр “Саха” НКИХ быһа эпииригэр буолуоҕа.
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…