Андрей Сорокин хаартыскаҕа түһэриитэ
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу Кавказ сэриилэрин кыттыылааҕа Игорь Молдованов бүүһүгэр сибэкки уурда.
Урааллааҕы байыаннай уокурук 34-с мотострелковай дивизиятын 324-с мотострелковай полкатын старшай сержана, мотострелок Игорь Молдованов 1995 сыл кулун тутар 13 күнүгэр Чечен-Аул сэлиэнньэтин таһыгар өстөөх уотун бэйэтигэр ылан өлбүтэ. Кыргыһыы кэмигэр кини БМП-та умайбыта. Байыас төһө даҕаны уокка сиэттэр, бааһырдар да, табаарыстара эвакуацияланалларыгар суолу ыраастаабыта, умайа турар БМП-тан боекомплект эстиэр диэри күүстээх уоту аспыта.
«Игорь хорсун быһыыта – хорсун майгы уонна дойдуга бэринии холобура. Биһиги ытык иэспит – дойдубут кэлиҥҥи кэскилин туһугар олоҕун биэрбит хас биирдии киһини умнубат», – диэн Айсен Николаев бэлиэтээтэ.
Тэрээһиҥҥэ өрөспүүбүлүкэ биэдэмистибэлэрин бэрэстэбиитэллэрэ, Нерюнгри оройуонун салалтата, ону таһынан уопсастыбаннай уонна ыччат тэрээһиннэрин чилиэттэрэ кытыннылар. Өрөспүүбүлүкэ ыччат дьыалаларыгар уонна социальнай алтыһыыга миниистирэ, байыаннай дьайыы кыттыылааҕа Петр Шамаев Игорь Молдованов хорсун быһыытын ыччаты патриоттуу тыыҥҥа иитиигэ ураты суолтатын бэлиэтээтэ.
«Игорь Молдованов хорсун быһыыта Арассыыйа саллаатын хорсун быһыытын уонна бигэ туругун бэлиэтэ буолар. Кини олоҕо эдэр көлүөнэ ыччакка дойдутугар бэриниилээх буолуутун холобурунан буолар», – диэтэ миниистир.
Игорь Молдованов – Золотинка бөһүөлэгин төрүт олохтооҕо. 1975 сыллаахха БАМ тутааччыларын дьиэ кэргэнигэр төрөөбүтэ. Чита уобалаһын Калар оройуонун Новая Чара бөһүөлэгин оскуолатын бүтэрбитэ. 1994 сыллаахха РФ Сэбилэниилээх күүстэригэр ыҥырыллыбыта. Арассыыйа Бэрэсидьиэнин 1995 сыл алтынньы 19 күнүнээҕи ыйааҕынан анал сорудаҕы толорууга көрдөрбүт хорсун уонна дьоруойдуу быһыытын иһин, старшай сержанҥҥа Арассыыйа Дьоруойун аата иҥэриллибитэ. Игорь Молдованов боруонса бүүһэ кини төрөөбүт дойдутугар 2023 сыл бэс ыйыгар туруоруллубута.
Сиһилии: https://www.sakha.gov.ru/news/22529
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Саха ыалын сиэрэ-туома. Итэҕэл быһыытынан, дьиэ Айыы аартыга аһыллар сиринэн, илин диэкинэн, ааннанар. Дьиэ тутуутун сүрүн…
Нерюнгрига маастар-былаан чэрчитинэн поликлиниканы саҥардан оҥороллор. РФ Бэрэсидьиэнэ Владимир Путин бигэргэппит маастар-былаанын чэрчитинэн, Нерюнгрига улахан…
«Мечел» бөлөххө киирэр «Мечел-Сервис» тимир атыылыыр хампаанньата Саха сиригэр Өлүөнэ өрүһү туоруур саҥа массыына суолун…