Хаартыска: sakha.gov.ru ылылынна
Баһаар кутталын кылааһын намтатар соруктаах Өлүөхүмэ, Үөһээ Бүлүү, Бүлүү, Горнай, Кэбээйи, Хаҥалас уонна Нам улуустарын сирдэригэр “Метео” Як-40 сөмөлүөт көтөрө былааннанар диэн суһал ыстаап иһитиннэрэр.
Ааспыт сууккаҕа космическай уонна авиационнай кэтээн көрүү түмүгэр Абый, Кэбээйи, Хаҥалас улуустарыгар уонна Дьокуускай куоракка 28 га иэннээх 4 айылҕа баһаарын булбуттар.
Ыам ыйын 24 күнүгэр суукка саҕаланыыта Муома уонна Эбээн Бытантай улуустарыгар 478 га иэннээх 2 ойуур баһаара уонна Абый, Кэбээйи улуустарыгар 4 га иэннээх 2 айылҕа баһаара баар.
Баһаар кутталлаах кэмэ саҕаланыаҕыттан 29 тыһ. га иэннээх 253 айылҕа баһаарын умулларбыттар, ол иһигэр ойуур пуондатын сиригэр 24 тыһ. га тахса уопсай иэннээх 80 ойуур баһаарын.
Бу баһаардар төрүөттэринэн дьон дьалаҕай сыһыана буолар. Быйыл айылҕа баһаарыгар 32 буруйдаах быһаарыллыбыт, ойуурга баһаартан сэрэхтээх буолуу быраабылатын кэһии иһин 70 боротокуолу толорбуттар.
Баһаары утары ураты эрэсиим Дьааҥы улууһугар уонна “Дьокуускай куорат” куораттааҕы уокурукка биллэриллэн турар.
Бу туһунан Ил Дархан уонна Бырабыыталыстыба пресс-сулууспата суруйар.
«Кыһын Саха сириттэн саҕаланар» бэстибээл чэрчитинэн бэрт үгүс тэрээһин буолан ааста. Биир оннук дьон уоһуттан…
Бу 2025 сыл тохсунньутуттан ахсынньы 2 күнүгэр диэри Амур уобалаһын уонна Саха Өрөспүүбүлүкэтин Россельхознадзорун управлениетын…
Өрөспүүбүлүкэбитигэр «Үһүс көлүөнэ оскуолата» тэриллэн үлэлээбитэ балай да кэм ааста. Аҕам саастаах дьон, дьиэҕэ хаайтаран…
Дьокуускай куоракка «Биир ньыгыл Арассыыйа» баартыйа уопсастыбаннай өйөбүлүн ыстаабыгар Доброволецтар күннэригэр анаммыт тэрээһин буолан ааста.…
Арассыыйа норуотун артыыһа Лариса Долина кини кыбартыыратын атыыласпыт Полина Лурьеҕа 112 мөл. солк. төнүннэрэр санаалааҕын…
Дьокуускай куорат эмиэ биир сыл буолан баран, Уһук Илин уонна Арктика сыыппара киининэн кубулуйда. Төрдүс…