Зондировщик-сөмөлүөттэр киин уонна өрүс уҥуоргу улуустарга үлэлэһэргэ бэлэмнэр
![](https://sakha-sire.ru/wp-content/uploads/2024/06/termotochka-900x596.jpeg)
Ойуур баһаарыттан харыстыыр суһал ыстаабын бэрэссэдээтэлэ, Саха сирин бэрэссэдээтэлин бастакы солбуйааччы Дмитрий Садовников зондировщик-сөмөлүөттэри киин уонна Өлүөнэ өрүс уҥуоргу улуустарга үлэлэтэр былааннаахтарын бэлиэтээтэ.
Чуолаан, Уус Маайа, Томпо, Таатта, Чурапчы уонна Амма улуустарыгар көтүтүүгэ бэлэмнэр. Ону тэҥэ Горнай уонна Хаҥалас улуустарыгар халлаан туругуттан көрөн туһаныахтара.
Дмитрий Садников бэс ыйын 6 күнүгэр зондировщик-сөмөлүөт Өлүөхүмэ улууһугар үлэлээбитин, итэннэ 4 ойуур баһаарыттан иккитэ умуруоруллубутун бэлиэтээтэ.
Саха сиригэр ойуур баһаарын бохсууга дойду атын эрэгийэннэриттэн көмөҕө күүстэр кэлэллэр. Билигин Приморскай авиалесоохрана 25 үлэһитэ Нерюнгри улууһугар тиийдилэр. Кинилэр Өлүөхүмэ улууһугар ойуур баһаарын умуруорууга үлэлиэхтэрэ. Бэҕэһээ Саха сиригэр дэлби тэптэрэр үлэлэргэ исписэлиистэр бөлөхтөрө эмиэ Өлүөхүмэ улууһугар үлэлииргэ кэлбиттэрэ. Суһал ыстаабка бүгүн кэккэ улуустарынан ойуур баһаарын ахсаанын намтатар ардах түһэрэ күүтүллэр диэн этилиннэ.
Өрөспүүбүлүкэҕэ билигин 28 ойуур баһаара уонна 63 термотуочука регистрацияланна. Ойуур баһаарда 9 улууска турбута биллэр, ордук Саха сирин соҕуруу өттүгэр турбуттара болҕомтоҕо ылыллар.
Сообщить об опечатке
Текст, который будет отправлен нашим редакторам: