Зондировщик-сөмөлүөттэр  от үүнүүтүгэр сабыдыаллаатылар

Кэмигэр ылыллыбыт миэрэлэр көмөлөрүнэн, ойуур баһаарын ахсаана элбээбитин үрдүнэн, балаһыанньаны тупсарар кыахтаныы туһунан бэлиэтээтэ Ил Дархан Айсен Николаев  ГТРК ханаалын быһа эпииригэр.    

 “Билигин 6 ойуур баһаара баар, ол гынан баран бары олус  уустук тиийэр хайалаах сирдэргэ бааллар.  Хаарынан бүрүллэн сытар улуустарга тыаларыгар ыам ыйыгар баһаардар саҕаламмыттара. Кэмигэр ылыллыбыт миэрэлэр уонна балаһыанньаны көрөр бары муниципальнай тэриллиилэр быһаччы кыттыыларынан ойуур баһаарын ахсаана биллэ аҕыйаата”, — диэн бэлиэтээтэ Айсен Николаев. Маны тэҥэ, аҕа баһылык ардаҕы аҕалар сөмөлүөттэр тыа сиригэр от үүнүүтүгэр сабыдыаллаабыттарын эттэ.