Зоотехник-селекционердарга ботуччу бириэмийэлэри туттардылар
![](https://sakha-sire.ru/wp-content/uploads/2024/07/galya15-1060x596.jpg)
От ыйын 11-12 күннэригэр Бүлүү улууһугар “Сырдык Уулаах” сайылыкка ыытыллыбыт өрөспүүбүлүкэтээҕи зоотехник-селекционердар үһүс куонкурустара түмүктэннэ.
Ботуччу бириэмийэлээх куонкурус буолла. Ол курдук, племенной хаһаайыстыба зоотехниктарыгар 1 миэстэҕэ – 85000, 2 миэстэҕэ – 65000, 3 миэстэҕэ – 35000 бириэмийэ сэртипикээтин туттардылар.
Табаарынай сүөһү зоотехниктарыгар бастаабыкка – 60000, иккис миэстэлээххэ – 40000, үһүс миэстэлээххэ – 25000 бириэмийэ олохтоммут.
Сылгыны үөрдээн иитии зоотехниктарыгар 1 миэстэҕэ – 65000, 2 миэстэҕэ – 45000, 3 миэстэҕэ – 30000 солкуобай.
Таба иитиитин зоотехниктарыгар кыайбыт киһиэхэ – 65000, иккискэ – 45000 олохтоммут.
Судьуйалар кытаанахтар
Куонкурус икки күн буолла. Теорияҕа уонна быраактыкаҕа болҕомто уурулунна, кыттааччылар тест толорон толкуй бөҕөҕө түстүлэр. Эдэр зоотехниктар көхтөөхтүк кыттыбыттарын бэлиэтиэххэ сөп.
“Тыымпы” кэпэрэтиип титиигэр, сылгы хаһаатыгар куонкуруһу ыытарга сөптөөх усулуобуйа тэриллибит.
Ыстаарсай судьуйалар түһүмэхтэринэн анаммыттар. Ыстаарсай судьуйалар министиэристибэттэн Галина Осипова, “Сахаагроплем” отделын начаалынньыга Ньургун Мордовской, Марианна Оконешникова куонкурус бары ирдэбилинэн чуолкайдык барарын хааччыйдылар. “Идэтигэр бастыҥ” куонкурус хамыыһыйатын састаабыгар миниистири солбуйааччы Николай Афанасьев, Татьяна Протопопова, Анатолий Захаров үлэлээтилэр. Наука үлэһитэ Наталья Николаева ТХНЧИИ-тан кытынна. Сардана Неустроева, Лилия Пономарева, Сергей Захаров, Спартак Миронов, Дмитрий Рыкунов, Ада Устинова уо.д.а. судьуйалыыр бөлөхтөргө үлэлээтилэр.
![](https://sakha-sire.ru/wp-content/uploads/2024/07/galya6.jpg)
![](https://sakha-sire.ru/wp-content/uploads/2024/07/galya8.jpg)
![](https://sakha-sire.ru/wp-content/uploads/2024/07/galya14-1.jpg)
![](https://sakha-sire.ru/wp-content/uploads/2024/07/galya5-1.jpg)
![](https://sakha-sire.ru/wp-content/uploads/2024/07/galya17-1.jpg)
![](https://sakha-sire.ru/wp-content/uploads/2024/07/nagrada13.jpg)
![](https://sakha-sire.ru/wp-content/uploads/2024/07/nagrada14.jpg)
![](https://sakha-sire.ru/wp-content/uploads/2024/07/nagrada2.jpg)
![](https://sakha-sire.ru/wp-content/uploads/2024/07/nagrada15.jpg)
![](https://sakha-sire.ru/wp-content/uploads/2024/07/vilyuj17.jpg)
![](https://sakha-sire.ru/wp-content/uploads/2024/07/vilyuj19-1.jpg)
![](https://sakha-sire.ru/wp-content/uploads/2024/07/vilyuj20-2.jpg)
![](https://sakha-sire.ru/wp-content/uploads/2024/07/vilyuj21-3.jpg)
![](https://sakha-sire.ru/wp-content/uploads/2024/07/vilyuj9-1.jpg)
Кыайыылаахтар кимнээҕий?
Племенной ынах сүөһүнү иитии зоотехниктарыгар:
1 миэстэ – Кэрэчээнэ Юмшанова (Хаҥалас, “”Бөртө” собуот)
II миэстэ – Евдокия Устинова (“Туймаада” эко-пиэрмэ)
III миэстэ – Наталья Васильева (“Хорообут” ХЭТ)
Табаарынай ынах сүөһүнү иитии зоотехниктарыгар:
1 миэстэ – Ольга Васильева, “Кириэстээх” ТХПК (Сунтаар)
II миэстэ — Александра Лаврентьева, “Ампаардаах” ХЭТ ( Бүлүү)
III миэстэ – Сергей Бугаев, “Илгэ” ХЭТ, (Амма)
Сылгы зоотехниктарыгар:
I миэстэ — Анатолий Самсонов (Бүлүү), бааһынай хаһаайыстыба
II миэстэ – Александр Тимофеев, “Комплекс” ХЭТ (Чурапчы)
III миэстэ – Спиридон Тимофеев”, “И.Я.Строд” ТХПК, (Амма)
Дьиэ табатын зоотехниктарыгар:
1 миэстэ – Владимир Атласов (“Үчүгэйдээҕи” МУП, Өймөкөөн))
2 миэстэ – Людмила Бурцева (“Сэбээн Күөл”, Кэбээйи)
Кыайыылаахтарга дипломнары СӨ тыа хаһаайыстыбатын уонна аска-үөлгэ бэлиитикэтин министиэристибэтиттэн Галина Осипова туттарда. Ону тэҥэ биирдиилээн номинацияларынан кыайыылаахтар дипломнары тутан, үөрдүлэр-көттүлэр.
![](https://sakha-sire.ru/wp-content/uploads/2024/07/galya10-e1720867473675.jpg)
![](https://sakha-sire.ru/wp-content/uploads/2024/07/galya1.jpg)
![](https://sakha-sire.ru/wp-content/uploads/2024/07/galya4.jpg)
![](https://sakha-sire.ru/wp-content/uploads/2024/07/galya5.jpg)
![](https://sakha-sire.ru/wp-content/uploads/2024/07/galya7.jpg)
![](https://sakha-sire.ru/wp-content/uploads/2024/07/galya7-1.jpg)
![](https://sakha-sire.ru/wp-content/uploads/2024/07/galya9.jpg)
![](https://sakha-sire.ru/wp-content/uploads/2024/07/galya10-1.jpg)
![](https://sakha-sire.ru/wp-content/uploads/2024/07/galya11.jpg)
![](https://sakha-sire.ru/wp-content/uploads/2024/07/galya12.jpg)
![](https://sakha-sire.ru/wp-content/uploads/2024/07/galya14.jpg)
![](https://sakha-sire.ru/wp-content/uploads/2024/07/galya15-1.jpg)
![](https://sakha-sire.ru/wp-content/uploads/2024/07/galya17.jpg)
![](https://sakha-sire.ru/wp-content/uploads/2024/07/galya30.jpg)
Тэрээһини үөрүүлээхтик түмүктээһиҥҥэ аатырбыт зоотехниктар М.Маппырова уонна И.Цыпандин аатынан номинациялары туттарыы эмиэ долгутуулаах түгэнинэн буолла. Ону тэҥэ 1Тоҕус нэһилиэгин дьаһалтатын баһылыга Акимарий Михайлов тыа хаһаайыстыбатын салаатыгар нэһилиэккэ таһаарыылаахтык үлэлээбит дьон оҕолоро, аймахтара олохтообут бириэмийэлэрин бастыҥнарга туттарбытын туһунан аныгыскы сырыыга кэпсиэхпит.
Хаартыскаҕа: тэрээһин түгэннэриттэн. Г.Осипова уонна ааптар түһэриилэрэ
Сообщить об опечатке
Текст, который будет отправлен нашим редакторам: