«ZOV Севера» волонтердара 40 туоннаттан тахса гуманитарнай көмөнү ыыттылар

Ил Дархан Айсен Николаев Нерюнгри оройуонугар «ZOV Севера» байыаннай дьайыы волонтердарын кытта көрүстэ.

Кинилэргэ байыаннай дьайыыга сылдьар байыастарга көмөлөрүн, өйөбүллэрин иһин махталын биллэрдэ, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.

Волонтердар ойуурга, хонууга табыгастаах, түргэнник астаныллар аһы бэлэмнииллэр: хатарыллыбыт эти, сублимированнай борщ миини, бэлэм эттээх хааһыны. Окуопаҕа уматыллар чүмэчилэри, хаххаланар сиэккэлэри, дроҥҥа туттулар суорҕаннары оҥороллор, аналлаах маллары, тээбириннэри атыылаһарга харчы хомуйаллар. Ол туһунан волонтер Оксана Смирнова кэпсээтэ.

Кинилэр байыаннай дьайыы буола турар сиригэр 40 туоннаттан тахса гуманитарнай көмөнү ыыппыттар. Ону тэҥэ анал тиэхиньикэни атыылаһарга 9 мөл. солк. кэриҥэ үбү хомуйбуттар.

Волонтердар “илииттэн илиигэ” ньыманан үлэлииллэр, хаста да байыастары тиийэн көрсүбүттэр, госпиталларга, мэдиссиинискэй батальоннарга сылдьыбыттар.