Хаартыска: Ил Дархан, бырабыыталыстыба дьаһалтатын пресс-сулууспата.
«Ленский покров V» уопсастыбаннай хамсааһын салайааччыта Зоя Ильчук бу хамсааһын волонтердара байыаннай эпэрээссийэ кыттыылаахтарыгар ыытаары сүүс маскировочнай сиэккэни оҥордулар диэн кэпсээбитин туһунан Ленскэй улууһун дьаһалтатын пресс-сулууспата иһитиннэрэр. Зоя Ильчук этэринэн, бу уопсастыбаннай хамсааһын 2023 сыл тохсунньуга тэриллибит.
— Биһиги хамсааһыммыт бастаан бибилэтиэкэ баазатыгар, онтон кэлин урбаанньыт көмөтүнэн куорат киинигэр баар офиска көһөн үлэлиир. «Ленскэй покров» аана кимиэхэ баҕарар аһаҕас. Сүрүн үлэлиир дьонноох, кинилэргэ биирдиилээн дьон, бүтүн кэлэктииптэр, ол иһигэр саастарын ситэ илик оҕолору социальнай өттүнэн чөлүгэр түһэрэр киинтэн кэлэн көмөлөһөллөр.
Волонтердарбыт маскировочнай сиэккэлэри таһынан снайпердар нашлемниктарын, санныга кэтэр таҥастарын баайаллар, наһыылкалары, “пятиточечниктары», окумалга бааныллар бэйэ икки ардыгар биллэрэр бэлиэлэри тигэллэр. Волонтердар байыаннайдарга наадалаах малы-салы, тэриллэри булууга анаан харчы хомуйуутунан, киирэр сайаапкаларынан байыастарга эбэтэр кинилэр дьиэ кэргэттэригэр көмөнү оҥоруунан дьарыктаналлар. Ол курдук эми-тому, ис, тас таҥаһы, суунар-соттор малы, тактическай тэриллэри, массыына саппаас чаастарын булан ыыта тураллар.
Кыһалҕата диэн – тиксэрии логистиката буолар. Тиксэрии суолун-ииһин бэйэ көрдөөн, ыйытан, чуолкайдаан ыыттаҕына сатанар. Үксүгэр баһыылкаларбыт олус өр айаннаан тиийэллэр. Биһиги тэрилтэбит соторутааҕыттан ыла байыаннай дьайыыттан чугас баар Саха сириттэн төрүттээх амарах санаалаах дьахтар тэрийбит «Привал» волонтер киинин кытта сибээстэһэн үлэлээн эрэр. Онно дьахталлар сухой мииннэри бэлэмнээннэр, булочкалары, бэрэскини буһараннар, ууну атыылаһаннар, байыастарга ыыта олороллор. Онон бу «Привалга» буойуттарга наадалааҕы булан бэлэмнииллэригэр уонна тиксэрэллэригэр анаан хас бээтинсэ ахсын харчы хомуура ыытыллар.
«Ленский покров V» уопсастыбаннай хамсааһын офиһыгар уоппускаттан кэлэр-барар буойуттарбыт куруук таарыйан, сылдьан ааһаллар.
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…