«Звезднай» түөлбэ С секторыгар 470 кыбартыыраҕа дьон көстө

Share

«Звезднай» түөлбэҕэ элбэх кыбартыыралаах сэттэ дьиэ үлэҕэ киирдэ. Чугастааҕы кэмҥэ өссө биир олорор дьиэ былааҥҥа баар.

Бу туһунан СӨ тутууга министиэристибэтин тутууга уонна олорор дьиэ бэлиитикэтигэр департаменын салайар Софья Максимова иһитиннэрэр. Кини этэринэн, С секторга номнуо 471 кыбартыыраҕа дьон көһөн киирбиттэр. Кинилэр ортолоругар арктическай оройуоннары киллэрэн туран, хаарбах уонна саахалланар туруктаах дьиэлэртэн көспүт дьиэ кэргэттэр бааллар.

Саргын Скрябин хаартыскаҕа түһэриитэ, СИА

«РИА» СЗ АУо генеральнай дириэктэрэ Лия Шайнурова бэлиэтээбитинэн, олохтоохтор ыйбыт итэҕэстэрэ тута туоратыллан иһэллэр. «Саҥа дьиэлэргэ итэҕэс-быһаҕас баар буоллаҕына, тута туоратыллар, көннөрүллэр», — диэн этэр кини.

Маны сэргэ кини бу түөлбэ олохтоохторугар табыгастаах буоларын курдук 1 уонна 14 № оптуобустар сырыылара баарын бэлиэтиир.

Бу түөлбэ олохтоохторо олорор усулуобуйаларын биһирииллэр. С сектор олохтооҕо Дина Суворова санаатын үллэстибит:

«Мин тоҕо бу түөлбэни олорорго талбыппыный?  Бастатан, микрооройуон федеральнай бырагыраама иитинэн тутуллар. Бырагыраама туох баар боппуруоска тиийэ толкуйдаммыт. Манна оҕо саада баар буолуо, оскуола, поликлиника, култуура эбийиэктэрэ тутуллуохтара. Дьиэҥ таһыгар үлэ да булуохха сөп. Иккиһинэн, манна быыла да кыра буолуоҕа. Куорат кытыытыгар тутуллубут буолан, салгына биллэ ыраас», — диир кини.

Кини аан бастаан киирэн олороллоругар сылаас уу суоҕун, ону биллэрэллэрин кытары тута оҥоһуллубутун этэр.

«Биһиги тутуу министиэристибэтигэр биллэрбиппит. Онон боппуруос түргэнник быһаарыллыбыта. Сылаас ууламмыппыт. Билигин туох да кыһалҕа суох», — диир Суворова.

Саргын Скрябин хаартыскаҕа түһэриитэ, СИА

Өлөөн улууһуттан көһөн кэлбит Алексеевтар дьиэ кэргэн махталлара муҥура суох.

«Биһиги Өлөөҥҥө кыбартыыралаах этибит. Ол хаарбах туруктаах дьиэлэргэ хабыллыбыта. «Звезднай» түөлбэҕэ кыбартыыраланаммыт наһаа үөрдүбүт. Түөрт оҕолоохпут, 11 сиэннээхпит, бары куоракка олороллор. Биһиги сиэннэри көрөргө көмөлөһөбүт. Өрөспүүбүлүкэ салалтатыгар махтанабыт, маннык сырдык, сылаас уонна толору хааччыллыылаах кыбартыыраҕа олорор чиэскэ тиксибиппититтэн», — диир ийэлэрэ Антонина Васильевна.

Маны таһынан, «Звезднайга» «Водоканал» АУо уу ситимин боппуруоһугар үлэлэһэр. «Водоканал» АУо генеральнай дириэктэрэ Анатолий Кырджагасов этэринэн, инникитин бу тутуу (водоузел) куорат соҕуруу өртүн хааччыйар кыахтаныа.

Искусственай муустаах сабыылаах катогу тутуу үлэтэ салҕанар. Бу «Успуорт — олох нуормата» бырайыак иитинэн ыытыллар. Билиҥҥи туругунан үлэ 90% бэлэм. Катогу ахсынньыга тутан түмүктүүр былааннаахтар.

Саргын Скрябин хаартыскаҕа түһэриитэ, СИА

Маны таһынан, ахсынньы 1 күнүттэн «Звезднай» түөлбэҕэ улахан хочуолунай үлэлиэхтээх. Ол олорор дьиэлэри, социальнай эбийиэктэри бүтүннүү сылытыахтаах. Этэллэринэн бу өрөспүүбүлүкэҕэ сылааһы биэрэр улахан хочуолунайдартан биирдэстэринэн буолуохтаах (112 МВт кыамталаах). Эбийиэккэ саҥа тэрил туруоруллубут.

Санатар буоллахха, А секторга былырыын 681 кыбартыыраҕа дьон көһөн киирбитэ. Бу элбэх кыбартыыралаах сэттэ дьиэ уопсай иэнэ 26 тыһ. кв.м. тахса.

«Звезднай» түөлбэҕэ кэлим тутуу ыытыллар. Манна олорор дьиэлэр, социальнай тутуулар ыытыллаллар. Уһуйааны, сабыылаах катогу, хочуолунайы таһынан манна 990 миэстэлээх оскуола тутуллар. Өссө поликлиника былааннанар.

«Звезднай» түөлбэҕэ уопсайа 263 тыһ.кв.м. иэннээх олорор дьиэ тутуллуохтаах, 6,2 кв. бэлисипиэтинэн сылдьар суол, биэрэк кытыытынан суол оҥоһуллуохтаах. Сир-уот аҥарын пааркалар, искибиэрдэр ылаллар.

СӨ Ил Дарханын уонна Бырабыыталыстыбатын пресс-сулууспата

Саргын Скрябин хаартыскаҕа түһэриитэ, СИА

What’s your Reaction?
+1
7
+1
0
+1
0
+1
0
+1
0
+1
1
+1
0

Recent Posts

  • Кыайыы 80 сыла
  • Сонуннар

Ленинград блокадаттан босхоломмута 81 сылын бэлиэтээтилэр

Тохсунньу 27 күнүгэр Дьокуускайга "Арассыыйа - мин устуоруйам" түмэлгэ уопсастыбаннас, ыччат, «ЮНАРМИЯ» хамсааһын иитиллээччиллэрэ Ленинград…

31 минута ago
  • Байыаннай эпэрээссийэ
  • Сонуннар

Юрий Трутнев байыастары кытта көрүстэ

РФ бырабыыталыстыбатын бэрэссэдээтэлин солбуйааччы - Уһук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев Курскай уобаласка көҥүл…

52 минуты ago
  • Быһылаан
  • Сонуннар

Дьахтардаах эр киһи быһахтаспыттар

Ааспыт суукка иһигэр өрөспүүбүлүкэҕэ буруйу оҥоруу туһунан 6 иһитиннэрии киирбит. Борокуратуура бу буруйу оҥорууларынан процессуальнай…

1 час ago
  • Аҕа дойдуну көмүскээччи сыла
  • Байыаннай эпэрээссийэ
  • Сонуннар

Бойобуой доҕордоһуу тыыннаах туоһулара..

Арассыыйа уонна  ДНР  Дьоруойа Дмитрий Егоров төрөөбүтэ 50 сылыгар саҥа кинигэ күн сирин көрүөҕэ. Дьоруой…

1 час ago
  • Байыаннай эпэрээссийэ
  • Сонуннар
  • Уопсастыба

Нам улууһугар байыастарга анаан эти хомуйууга аахсыйа ыытыллар

Бу күннэргэ Түбэ, Ленскэй, Иккис Хомустаах, Салбаҥ, Модут, Никольскай, Үөдэй, Партизан, Бастакы Хомустаах нэһилиэктэрин дьаһалталара,…

1 час ago
  • Быһылаан
  • Сонуннар
  • Уопсастыба

Булуҥҥа буурҕа дьиэ кырыыһатын көтүттэ

Тохсунньу  24  күнүттэн Хотугу Муустаах муора кытылынан күүстээх буурҕа ытыллар. Булуҥ улууһугар ыксаллаах быһыыга-майгыга бэлэмнэнии…

2 часа ago