Хаартыска: Мария Васильева, СИА.
Дьокуускай куорат олохтооҕо Светлана Высоких саҥа дьиэлэнэр туһунан ыраламмыта ырааппыт. Үйэ аҥаарыттан ордук кэм устата хааччыллыыта суох, мас дьиэҕэ олорбут. Ыра санаата дьэ туолбут.
“Эргэ уонна саахалланар туруктаах дьиэттэн дьону көһөрүү” федеральнай бырагырааманан, Дьокуускай куорат “Звезднай” түөлбэтигэр дьон кииртэлээн эрэр. Светлана Высоких кыбартыыра ылбыттартан биирдэстэрэ буолар: “Дьиэбитин сөбүлээтибит, аны хаһан даҕаны ууга барбат туһугар үөһэ этээскэ ылар туһунан кытта толкуйдуурбут. Уута-хаара, уота-күөһэ барыта холбоммута, туох даҕаны тохтобула суох үлэлиир. Дьиэбит сырдык, салгыннаах”, — диэн үөрүүтүн үллэстэр.
Ыкса олорор ыал сорохторо бэйэ-бэйэлэрин билсэллэр, Дальняй уулуссаҕа мас, эргэ дьиэҕэ бииргэ олорбуттар. Бу дьиэ өссө 2016 сыллаахха саахалланар туруктааҕынан быһаарыллыбыт. Федеральнай бырагыраама баар буолан, аҥаардара номнуо көспүттэр, атыттара малларын-салларын хомуналлар диэн “Саха” ГТРК иһитиннэрэр.
“Звезднай” түөлбэ куорат биир кэскиллээх түөлбэтинэн биллэр. Уопсайа, 50-тан тахса элбэх кыбартыыралаах дьиэ тутуллуохтаах. “Күн бүгүн сэттэ эбийиэк үлэҕэ киирдэ. Тустаах бырагырааманан 573 дьиэ кэргэн көһөрө былааннанар. Билиҥҥитэ 48 күлүүһү туттардыбыт”, — диэн Олорор дьиэ сыһыаннаһыыларын департаменын дириэктэрин солбуйааччы Вадим Семенов кэпсиир.
Түөлбэҕэ сотору оскуола, уһуйаан, балыыһа тутуллуохтаах, хаҥкылыыр сир оҥоһуллуохтаах.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…