ЯСИА хаартыската.
2025 сыл иккис аҥаарыгар “Звезднай” түөлбэ С секторыгар элбэх кыбартыыралаах икки саҥа дьиэни тутуу былааннанар. 7,7 тыһыынча кв.миэтэрэттэн тахса уопсай иэннээх 181 кыбартыыраҕа хаарбах дьиэлэртэн көһөөччүлэр олохсуйуохтара.
Бөдөҥ инфраструктурнай бырайыактар РФ бэрэсидьиэнин сорудаҕын чэрчитинэн олоххо киллэриллэллэр. Бэрэсидьиэн Владимир Путин инфраструктураны сайыннарыы боппуруостарыгар Судаарыстыбаннай сэбиэт президиумун мунньаҕын түмүктэринэн, социальнай, коммунальнай уонна тырааныспар инфраструктуратын суһаллык сайыннарыыга хайысхаланар кэккэ сорудаҕы РФ бырабыыталыстыбатыгар биэрбитэ.
«Звезднайга» 112 мегаватт кыамталалаах өрөспүүбүлүкэҕэ биир бөдөҥ хочуолунай үлэлээбитэ. Хочуолунай тутулла турар оскуоланы киллэрэн туран, микроройуон бары эбийиэктэрин сылааһынан хааччыйар. Сылааһы биэриигэ сыл устата ыаллыы оройуоннар эбийиэктэрэ эмиэ холбонуохтара. Үлэлии турар эбийиэктэргэ 10 нүөмэрдээх ДЮСШ, аһаҕас котуоктаах уонна успуорт саалалаах успуорт аныгы комплекса киирэллэр. 990 миэстэлээх оскуола, 315 миэстэлээх уһуйаан үс олорор дьиэттэн турар комплекс тутулла тураллар. Симиэнэҕэ 200 киһи сылдьар кыахтаах поликлиника тутуллара былааннанар – бырайыактааһын түһүмэҕэр сылдьар.
Ону таһынан уулусса-суол ситимин тутуу салҕанар. Суолу аспаалтааһын, уоту тардыы уонна тохтобуллар павильоннарын оҥоруу былааннаналлар.
С секторга олорор дьиэлэр бастакы мэндиэмэннэрэ урбаанньыттар туһаналларыгар бэриллиэхтэрэ. Дьоҕус уонна орто биисинэс бэрэстэбиитэллэрин кытары түүлэһии дуогабардара хайыы үйэ түһэрсилиннилэр: икки маркетплейс сакааһын биэрэр пууннар, Корея табаарын маҕаһыына, баттах кырыйар сир, олохтоох бородууксуйа икки маҕаһыына, бэкээринэлэр ситимнэрин салаалара баар буолуохтара. Эргиэн туочукаларыгар эмиэ өрөмүөн үлэлэрэ ыытыллаллар. Ону таһынан бородуукта супермаркеттарын салааларын аһар туһунан кэпсэтии барар.
СӨ баһылыгын уонна бырабыыталыстыбатын пресс-сулууспата
Бүгүн Аллайыаха улууһун Бөрөлөөх нэһилиэгэр бибилэтиэкэҕэ тапталлаах бэйиэппит Александр Пушкиҥҥа анаммыт сыл аайы ыытыллар “Аллаиха…
Сарсын, бэс ыйын 7 күнүгэр, кэрэ айылҕалаах Кэҥкэмэ үрэх биэрэгэр эбэҥки норуота үгэс буолбут сайыҥҥы…
Куһу-хааһы бултааһын, сиргэ-уокка сылдьыы бэрээдэги ирдиир. Онон муус устар 25 күнүттэн бэс ыйын 5 күнүгэр…
Бэс ыйын 6-8 күннэригэр самаан сайыны уруйдуу Бүлүүлүүр аартыкка Кэҥкэмэ үрэх таһыгар “Бакалдын-2025” эбэҥкилэр үгэс…
Сунтаар улууһун бочуоттаах гражданина, Сунтаар, Сиэйэ, Түбэй Дьаархан нэһилиэктэрин бочуоттаах олохтооҕо, Гражданскай килбиэн аат бэлиэ…
Үөһээ Бүлүү улууһун «Тускул» оҕо айымньытын киинэ социальнай сакааһынан кылгас кэмнээх сайыҥҥы бырагыраамалары саҕалаата. Бу…