Хаартыска: А.Филиппова (СИА)
Айсен Николаев быһа эпииргэ «Звезднай» микрооройуоҥҥа уулусса-суол ситимин тутуу хаамыытын тус бэйэтинэн хонтуруоллуурун туһунан эттэ уонна куорат дьаһалтатыгар бүддьүөт үбүн болдьоҕор олоххо киллэрэргэ сорудахтаата.
«Хаарбах туруктаах дьиэлэртэн көһөөччүлэргэ хаачыстыбалаах дьиэлэр, оскуолалар, поликлиника, котуок, уһуйаан дьиэтэ тутуллаллар. Социальнай инфраструктурата толору хааччыллыылаах микрооройуону аан бастаан тутабыт. Ол гынан баран, уулусса-суол ситимэ суох. Мин Арассыыйа тутууга миниистирэ Ирек Файзуллинтан биһигини «Стимул» бырагырааманан өйүүллэригэр уонна «Звезднайга» суол оҥороргэ элбэх үбү биэрэллэригэр көрдөспүтүм», -– диэтэ Айсен Николаев.
Кини эппитинэн, саҥа микрооройуоҥҥа биир сырыы кэмигэр куорат баһылыгын солбуйааччы суолу болдьоҕор ситэри тутар кыахтара суоҕун эппитэ уонна 80 мөлүйүөн солкуобайы федеральнай бүддьүөккэ төнүннэргэ уонна 30 мөлүйүөн солкуобайдаах ыстыраабы төлүүргэ этии киллэрбитэ.
«Мин кинилэр итинник оҥордохторуна туох буолуоҕун кэпсээбитим. Үлэ ыытыллан, уулуссалара үчүгэй уоттаах микрооройуону кэмигэр бүтэрэллэригэр олус эрэнэбин. Олохтоохтор тустарынан эмиэ толкуйдуохха наада», -– диэтэ Айсен Николаев.
Кини «Звезднай» микрооройуоҥҥа ипэтиэкэ өрөспүүбүлүкэтээҕи агентствотын дириэктэрин бастакы солбуйааччы Вера Кузакова баһылыктаах бырайыактыыр штабы тэрийбитэ. Ил Дархан штаб үлэтин ыытыллар мунньахтарга салгыы хонтуруоллуоҕа.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…