Зырянкаҕа көтөр сөмөлүөт Орто Халымаҕа түһүөҕэ

Зырянка аэропордун көтөр-түһэр балаһатын уу ылан, ыам ыйын 20 күнүттэн  «Полярные авиалинии» АХ  Дьокуускайтан Зырянкаҕа көтөр сөмөлүөтэ Орто Халымаҕа түһүөҕэ.

Бастакы “стыковочнай” көтүү субуотаҕа, ыам ыйын 20 күнүгэр, оҥоһуллуоҕа. Онтон көтөр аалы оптуорунньукка, чэппиэргэ уонна уонна субуотаҕа көтүтүөхтэрэ.

«Полярные авиалинии» АХ пресс-сулууспата иһитиннэрбитинэн, пассажирдар Дьокуускайтан Орто Халыма куоратыгар Ан-24 сөмөлүөтүнэн көтүөхтэрэ. Онтон кинилэри Зырянкаҕа диэри Ми-8 бөртөлүөтүнэн тустаах сирдэринэн көтүтэн, рейстэри  оҥоруохтара.