Зырянкаҕа тыатааҕы арҕахтан эрдэ тахсыбытын бэлиэтээтилэр
Зырянка бөһүөлэккэ Бэтэринээрийэ управлениетын тэлгэһэтигэр, Проточнай уулусса уонна олохтоох кылабыыһа аттыгар, саас эрдэ арҕахтан тахсыбыт тыатааҕы хаарга хаалларбыт суолларын булбуттар.
Нэһилиэнньэҕэ куттала суох буолууну хааччыйыыга, адьырҕа кыылтан көмүскүүргэ айылҕа харыстабылын иниспиэктэрдэрэ уонна ИДьМ үлэһиттэрэ патрульга таҕыстылар. Иһитиннэрии Зырянка бөһүөлэгин олохтоохторун олус долгутар, диэн «Колымские новости» хаһыат ТГ-ханаала иһитиннэрдэ.
Өскөтүн, тыатааҕыны соһуччу утары көрсө түстэххитинэ, төһө кыалларынан, уолуйуо суохтааххыт. ЫБММ бэлиэтииринэн, тыаҕа, суолга, нэһилиэктэн чугас сылдьан тыатааҕыны көрүстэххэ, тыаһы-ууһу таһааран, улаханнык хаһыытаан, төбө үрдүгэр, улаатан көстөр туһуттан, суумканы ууран, тыатааҕыны кыраҕыта сатыахтааххыт. Хайдах даҕаны куттаммыт, уолуйбут иһин, куотан туһата суох. Куотар киһини оннооҕор ыт эккирэтэр. Холку, наҕыл куолаһынан саҥара сатыахтааххыт. Салгыы «СҮБЭҺИТ: Тыатааҕыны көрүстэххэ…» ыстатыйаҕа ааҕыҥ.
Сообщить об опечатке
Текст, который будет отправлен нашим редакторам: