Салгыы
11 ый устата 10 622 оҕо төрөөтө

11 ый устата 10 622 оҕо төрөөтө

05.12.2022, 17:35
Бөлөххө киир:

Үбүлүөйдээх 2022 сыл 11 ыйыгар Саха сиригэр 10 622 оҕо төрөөтө: 5455 уол уонна 5167 кыыс. Кинилэр бары Ийэ сылыгар Ил Дархан  Айсен Николаев олохтообут “100 сыл оҕолоро” хапытаал 100 тыһыынча солкуобайын ылыахтара.

Ахсынньы 5 күнүнээҕи туругунан, “100 сыл оҕолоро” хапытаал 8461 дьиэ кэргэҥҥэ анаммыт. Кинилэртэн 2210 ыал барыта 188,6 мөлүйүөн солкуобай суумалаах хапытаалларын туһаммыттар.

Сүрүннээн олорор усулуобуйаны тупсарыыга – 135 мөлүйүөн солкуобай суумаҕа 1628 сайабылыанньаны, тырааныспары атыылаһарга – 49,5 мөлүйүөн солкуобай суумаҕа 541 сайабылыанньаны биэрбиттэр. 16 ыал кэтэх хаһаайыстыбаларын сайыннарарга, 14 ыал бааҥҥа оҕо аатыгар уурдарыы  арыйарга, 6 ыал дьиэ кэргэнинэн сынньана барарга, 4 ыал оҕо эмтэнэригэр үрдүк технологиялаах көмөнү оҥорорго ыыппыттар.

Кэнники кэмҥэ “100 сыл оҕолоро” хапытаалы оҥорторуу, ылыы хаамыыта муҥутаан судургутуйда, туһаныллар испииһэгэ кэҥээтэ. Хапытаалы ыларга сайабылыанньа да суруйар ирдэммэт, оҕо төрөөтөҕүнэ, тута ананар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -11°C
  • Ощущается: -18°Влажность: 40% Скорость ветра: 6 м/с

Сообщить об опечатке

Текст, который будет отправлен нашим редакторам: