Хаартыска: sakha.gov.ru
Бэс ыйын 6 күнүгэр Петербургдааҕы экэнэмиичэскэй пуорумҥа (ПМЭФ) Саха Өрөспүүбүлүкэтэ уонна «Синергия» корпорацията үөрэх бырайыактарын сайыннарыыга бииргэ үлэлээһиҥҥэ сөбүлэһии түһэристилэр.
Докумуону Ил Дархан Айсен Николаев уонна «Синергия» корпорация Бэрэсидьиэнэ Вадим Лобов илии баттаатылар.
«Түмүк сөбүлэһии ИТ- эйгэҕэ идэтийбит исписэлиистэри бэлэмнииргэ саҥа кыахтары үөскэтиэҕэ. «Синергия» корпорацияны кытта ыччакка информационнай технологиялары, үөрэнээччилэргэ айар уонна профессиональнай дьоҕурдарын сайыннарарга интэриэстэрин үрдэтиигэ үлэлэһиэхпит», — диэн бэлиэтээтэ Айсен Николаев.
Саха сирэ «Синергия» корпорацияны кытта сыыппара идэлэригэр кэллиэстэри сайыннарар былааннаах. Бу «Код будущего» бырайыак чэрчитинэн оскуола үөрэнээччилэрин уонна орто профессиональнай үөрэхтээһин тэрилтэлэрин устудьуоннарын босхо үөрэтиини хааччыйыаҕа.
Бииргэ үлэлээһин өссө биир хайысхатынан судаарыстыбаннай сулууспалаахтар квалификацияларын үрдэтии уонна салайар хамаандаларга трениннэри ыытыы буолуоҕа. Ону сэргэ «Федерация Лазертага России» бырайыак чэрчитинэн Саха сиригэр араас тэрээһиннэр ыытыллаллара былааннанар.
Бэс ыйын 5-8 күннэригэр Ил Дархан Айсен Николаев салайааччылаах Саха сирин дэлэгээссийэтэ 7- с Петербурдааҕы экэнэмиичэскэй пуорумҥа (ПМЭФ) үлэлиир. Пуорму сүрүн тиэмэтэ – «Основа многополярности – формирование новых центров роста».
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…