Хаартыкса: Саха сиринээҕи Быыһыыр сулууспата
От ыйын 17 күнүгэр киэһэ Ньурба улууһугар икки уол оҕо сүппүттэр. Саха сиринээҕи Быыһыыр сулууспата уолаттар ууга тимирбиттэрин туһунан биллэрдэ.
Быһылаан Маалыкай нэһилиэгин таһыгар таҕыста. Ол күн оҕолор үс уонна түөрт чаас икки ардыгар Марха эбэҕэ сөтүөлүү барбыттар. Киэһэ дьиэлэригэр төннүбэтэхтэригэр төрөппүттэр уолаттары көрдүү тахсыбыттар уонна таҥастарын өрүс кытылыгар булбуттар. Бу кэнниттэн салгыы көрдөөһүн үлэтин эбэҕэ ыыппыттар. Олохтоохтор көрдөһүҥҥэ үс оҥочонон өрүскэ тахсыбыттар.
Эмиэ бу күн быһылаан тахсыбыт миэстэтигэр Ньурбатааҕы көрдүүр-быыһыыр этэрээтин үс быыһааччыта айаннаабыт. Ол гынан баран, кинилэр тиийиэхтэригэр диэри оҕолор өлүктэрин булбуттарын туһунан биллэрбиттэр. Уолаттар өлүктэрин муҥха көмөтүнэн үс миэтэрэ дириҥнээх өрүс анныттан таһаарбыттар.
От ыйын саҕаланыаҕыттан оҕолор ууга түһэллэрин бастакы түгэнэ буолбатах. Дьокуускайга 203 түөлбэҕэ пляжка кыыс оҕо тимирбитэ. Быыһааччылар төрөппүттэр оҕолору көрүүтэ- истиитэ суох хаалларбаттарыгар, куттал суох буолуутун быраабылаларын санаталларыгар ыҥыраллар. Көҥүлэ суох сирдэргэ сөтүөлээһин бобуулаах.
Тааттатааҕы полиция дьуһуурунай чааһыгар олохтоох киһи муннутун тоһутан балыыһаҕа кэлбитин туһунан иһитиннэрбиттэр. Бу туһунан СӨ…
Таатта улууһун Уолба нэһилиэгин олохтооҕо Иван Боппосов дьиэтин үрдүгэр Уот кыһыл сылгы сылын көрсө хаар…
СӨ Үрдүкү Суута Мэҥэ Хаҥалас улууһуттан төрүттээх, 1988 сыллаах төрүөх киһи экстремистскэй тэрилтэни үбүлээһиҥҥэ буруйдаах…
Өрөспүүбүлүкэҕэ үлэ бэтэрээннэрин өйүүргэ 2026 сылга 4 млрд солк. тахса үп көрүллүө диэн Ил Дархан…
Дьокуускайдааҕы ИДьМ 3-с №-дээх полиция отделын дьуһуурунай чааһыгар олохтоох киһи баан счетуттан 170 тыһ.солк. уордарбытын…
Ил Дархан Айсен Николаев Ил Түмэҥҥэ Туһаайан этиитигэр эрэгийиэн үүнэн иһэр экэниэмикэтин сайыннарарга квалификациялаах орто…