Алдаҥҥа хирург быраастарын мобильнай биригээдэтэ үлэлээтэ
От ыйыгар 2 №-дээх өрөспүүбүлүкэтээҕи балыыһа хирург быраастарын мобильнай биригээдэтэ Алдан улууһун олохтоохторугар 50-тан тахса эпэрээссийэни ыытта.
«Быраастар суһал эмтэниигэ ыытарга 150-тан тахса ыарыһаҕы көрдүлэр, онтон 50-тан тахса олохтоохтор араас патологиялаах хирургическай көмөнү ылар кыахтаннылар», — диэн бэлиэтээтэ Мобильнай хирургия Киинин салайааччыта Зораб Саакян. Эпэрээссийэлэр этэҥҥэ аастылар, сорох ыарыһахтар балыыһаттан таҕыстылар. Ону сэргэ миэдиктэр биир идэлээхтэригэр аныгыс технологияларынан эпэрэссийэлэргэ маастар-кылаастары ыыттылар. Ол курдук, Алдан киин балыыһатын хирургтара иҥиир пластикатыгар эпэрээссийэ хайдах оҥоһулларын көрдөрдүлэр. От ыйын 19 күнүттэн Мобильнай хирургия Киинэ Намнааҕы киин балыыһаҕа үлэтин саҕалаата.
Сообщить об опечатке
Текст, который будет отправлен нашим редакторам: