Хаартыска: Андрей Сорокин, СИА
Киин куорат ДСК түөлбэтин 153-с кыбартаалыгар өрөспүүбүлүкэ үрдүнэн саамай улахан оскуола тутуллар уонна сыл бүтүөр диэри үлэтэ түмүктэниэхтээх.
Маннык соругу тутааччыларга Ил Дархан Айсен Николаев бэҕэһээ, атырдьах ыйын 19 күнүгэр, туруорда. Оскуола тутуута кыраапыгынан баран иһэр. Бетону кутуу үлэтэ түмүктэнэн, истиэнэни, дьиэ үрдүн кырааскалыыллар, ааннары туруораллар уонна уот ситимин тардаллар. Эбийиэккэ 191 киһи үлэлиир.
«Бэдэрээтчит Саха сиригэр биир саамай уопуттааҕынан биллэр. Олус үчүгэйдик кыһаллан үлэлиирин көрөбүт. Дьиэ тутуута 70%-тан тахса бэлэм. Бу Дьокуускай соҕуруу өттүгэр олус наадалаах эбийиэк быйыл сыл бүтүөр диэри үлэҕэ киириэхтээх. Сотору кэминэн бу территорияҕа «Прометей» комплексын уонна «Звезднай» түөлбэтин кытта үс оскуолалаах бөдөҥ агломерация баар буолуоҕа», — диэтэ Айсен Николаев.
Саҥа оскуола 990 үөрэнээччигэ суоттаммыт, 33 кылаастаах, кылаас ахсын 30 оҕо үөрэниэн сөп. Тутуу иэнэ — 17 тыһ. кв. миэтэрэттэн тахса. Оскуола үс куорпуска араарыллар: бастакы куорпус начаалынай кылаастар, бибилэтиэкэ уонна үлэһиттэр хосторуттан турар. Иккис куорпуска 5-11- с кылаас оҕолоро үөрэниэхтэрэ, ол иһигэр үлэ уруога ыытар хостордоох. Үһүс куорпуска кэбиниэттэри таһынан 500 миэстэлээх остолобуой, мэдииссинэ блога, актовай уонна успуорт саалалара, хореография уонна куруһуоктар устуудьуйалара тэриллиэҕэ.
Саха сирэ кэнники 6 сыл иһигэр аныгы үөрэх эйгэтин тэрийиигэ уонна оҕолорго оскуола билиитин биэриигэ бары усулуобуйаны тэрийиигэ дьоһун хардыыны оҥордо. «Үөрэх» национальнай бырайыак чэрчитинэн 51 оскуола үлэҕэ киирдэ, быйыл өссө 18 эбийиэк тутуута түмүктэнэрэ күүтүллэр.
Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…
Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…
Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…
Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…
Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…
Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".