Мобильнай биригээдэ быраастара түөрт улууһунан үлэлээтилэр

Атырдьах ыйыгар Саха сирин  мобильнай биригээдэтин быраастара Ленскэйгэ, Усуйаана, Өлүөхүмэ, Алдан оройуоннарыгар үлэлээтилэр.

Кинилэр  барыта 3163 киһи көрдүлэр, ол иһигэр 835 оҕону. Ленскэйгэ 5 нэһилиэнньэлээх пуун хабылынна: Турукта, Витим, Пеледуй, Толоон, Хамра. Өлүөхүмэ улууһугар командировка балаҕан ыйын 6 күнүгэр диэри уһатылынна. Быраастар  бары нэһилиэнньэлээх пууннары хабар былааннаахтар.

Алдан улууһугар 322 киһи көрүлүннэ, мантан 100-тэн тахса оҕо. Мобильнай быраастар Кутанаҕа, Чагдаҕа, Угайааҥҥа сырыттылар. Киин стоматологическай биригээдэтэ Усуйаана оройуонугар үлэлиир, бүгүн 282 киһи көрүлүннэ, онтон 126- та оҕо. Былааҥҥа 5 нэһилиэнньэлээх пуун: Уус Куйга, Хаһааччыйа, Хайыр, Тумат, Депутатскай. Биригээдэ  балаҕан ыйын 3 күнүгэр диэри үлэлиир.

Санатан эттэххэ, «Өрөспүүбүлүкэтээҕи мобильнай биригээдэлэрин киинэ» бырайыак Ил Дархана Айсен Николаев көҕүлээбитэ. Бу үлэ  дойдуБэрэсидьиэнэ Владимир Путин көҕүлээбит «Доруобуйа» национальнай бырайыак сыалын уонна соруктарын толорууга ыытыллар.