Хаартыска: Валерий Стемпень
Мииринэйтэн 51 саастаах айанньыт Валерий Стемпень Саха сирин өрүстэринэн соҕотоҕун эспэдииссийэни тэрийэн ыыппыт.
Эр киһи эрэллээх доҕоро Лана диэн ааттаах ытын кытта барыта 5053 км усталаах сири айаннаабыт. Айанньыт кэпсииринэн, кинилэр айаннарын кэмигэр хас да төгүл тыатааҕыны уонна үрүҥ эһэни көрсүбүттэр.
Эспэдииссийэ Саха сирин соҕуруу өттүттэн бу сыл ыам ыйын 7 күнүттэн саҕаланан балаҕан ыйын 20 күнүгэр диэри ыытыллыбыт. Валерий Стемпель Нуучча географическай уопсастыбатын Мииринэйдээҕи салаатын чилиэнэ. Эспэдииссийэ кэмигэр айанньыт 19 үрэҕи туораабыт. Күн ахсын 34 тыһ. тахса хардыыны оҥорбут уонна 4,5 кэриҥэ ый устата айылҕаҕа сылдьыбыт.
«Мин 25 сыл уу туризмынан дьарыктанабын. Онон эспэдииссийэҕэ аныгы оҥоһуулаах оҥочону ылбытым. Айаҥҥа барыта 800-кэ лиитэрэ курдук уматык туһаныллыбыта. Айаҥҥа олус үчүгэй, амарах саналаах дьону-сэргэни көрсүбүтүм. Кинилэр миэхэ бэнсиин кытта биэрэн көмөлөспүттэрэ. Айаҥҥа соҕотох сылдьар олус уустук буолара. Биир ый кэриҥэ кими да көрбөтөх түгэннэр кытары бааллара. Улаханнык сылайарым — уйулҕа уонна эт-хаан өттүнэн олус уустук буолара. Булчуттар өтөхтөрүгэр тохтоон сынньанарым, балааккаҕа хонон-өрөөн сылдьыбытым. Биир түгэҥҥэ икки түүнү Өлүөхүмэ салгын суудунатыгар хоммутум», — диэн Валерий Стемпень кэпсиир.
Эспэдииссийэ сыала-соруга — саҥа туристическай маршруттары ырытан оҥоруу, информацияны уонна хаартыскалары хомуйуу буолар. Кини эспэдииссийэ түмүгүнэн кылгас киинэ оҥорору былаанныыр. Эрэллээх доҕоро эппиэттээх соругу бэркэ толорбут. Лана ыт адьырҕа кыыллары чугаһаппатах уонна мэлдьи хаһаайыгар бэриниилээх доҕор буолан арыаллаабыт.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…