Саха сириттэн байыастарга 32 «Сокол» квадроцикл ыытылынна

Саха сирин суһал ыстааба байыаннай дьайыы кыттыылаахтарын эбии оборудованиенан уонна тиэхиньикэнэн хааччыйыы үлэтин салҕыыр.

СӨ Гражданскай оборуонатын дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистирэ Дмитрий Лепчиков брифиҥҥэ иһитиннэрбитинэн, байыаннай дьайыы зонатыгар барыта 32 квадроцикл ыытылынна.

«Соторутааҕыта 32 «Сокол» квадроцикл  байыаннай дьайыы зонатыгар байыастар соруктарын толорорго тиһэх пууннарга ыытылынна. Гуманитарнай таһаҕас тийэиитин хайысхатынан үлэ салҕанан бара турар, ол иһигэр Саха сирин тэрилтэлэрэ биэрбит тиэхиньикэлэрин уонна матаһыыкыларын хомуйан ыытыы салҕанар», — диэн Дмитрий Лепчиков кэпсээтэ.