Хаартыска: www.sakha.gov.ru
Саха сиригэр Ил Дархан Айсен Николаев сорудаҕынан анал байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаах көмө оҥоруу үлэтэ салҕанар. Саха сиригэр социальнай өйөбүл 28 көрүҥэ үлэлиир, ол иһигэр социальнай тэрилтэлэрин баазаларынан тиһигин быспакка киллэриллэр.
«Анал байыаннай дьайыы кыттыылаахтара уонна кинилэр дьиэ кэргэттэрин 1020 чилиэттэрэ доруобуйа харыстабылын уонна социальнай хааччыйыы тэрилтэлэригэр реабилитацияны аастылар. 217 киһи дьиэ кэргэттэрэ дьиэлэринэн уонна стационарнай көрүҥүнэн өҥөнү туһаннылар», – диэтэ СӨ бырабыыталыстыбатына бэрэссэдээтэлин солбуйааччы Георгий Степанов.
Саха сиригэр 307 төрөппүттэр санаторнай-курортнай эмтээһиҥҥэ көмөнү ыллылар. 102 ыалга олорор дьиэлэрин гаастааһыҥҥа матырыйаалынай көмө оҥоһулунна, 277 гражданнарга байыаннай сулууспалаахтары эмтиир сиригэр матырыйаалынай көмө бэрилиннэ.
Социальнай өйөбүл миэрэтин биир хайысхатынан анал байыаннай дьайыы бэтэрээннэрин үөрэтии уонна үлэҕэ киллэрии буолар. Ол курдук, Саха сирин нэһилиэнньэтин дьарыктаах буолуутун кииннэригэр үлэҕэ киллэриигэ 376 киһи, ол иһигэр 133 кыттааччы уонна байыаннай сулууспалаахтар дьиэ кэргэттэрин 243 чилиэттэрэ киирбиттэрэ. Онтон 108 киһи идэлээх үөрэххэ ыытыллыбыта, мантан үлэ булбуттара – 191.
Вице-премьер бойобуой дьайыы бэтэрээнин дастабырыанньатын ылыыга ыйытыктар киирэллэрин бэлиэтээтэ. Кини дастабырыанньаны ылар быраабылаҕа сөп түбэһиннэрэн, байыаннай дьайыылар бэтэрээннэрэ олорор сирдэринэн байыаннай комиссариатка, оттон үлэлии сылдьаччылар уонна байыаннай сулууспалаахтар сулууспаны барар сирдэригэр байыаннай комиссариатка тийиэхтээхтэрин санатта.
Оттон «Вагнер» байыаннай хампаанньа састаабыгар кыттыбыт гражданнарга байыаннай дьайыылар бэтэрээннэрин дастабырыаньатын ылыы боппуруостарыгар «Аҕа дойдуну көмүскээччилэр» судаарыстыбаннай пуонда филиалыгар билсиэхтэрин наада.
СӨ Ил Дарханын уонна Бырабыыталыстыбатын пресс-сулууспата
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…