Саха сиригэр онкология ыарыытын аҥарыттан ордуга эрдэтинэ быһаарыллар

Саха сиригэр 57%-тан тахса онкология ыарыыта эрдэтинэ быһаарыллар.

Бу диагностика саҥа ньыматынан  ситиһиллэр. Итинник статистиканы Ил Дархан Айсен Николаев Ил Түмэҥҥэ туһаайан этиитигэр иһитиннэрбитэ. 2024 сыл тохсунньутугар Саха сиригэр саҥа онкокиин аһыллыбыта. Бу кэмҥэ  42 тыһыынчаттан тахса ыарыһах сырытта. Доруобуйа харыстабылын тэрилтэлэригэр 4 тыһыынчаттан тахса эпэрээссийэ ыытыллыбыт.

«Бу кэмҥэ онкокиин 47 тыһ. киһи сырытта. Ааспыт сылы кытта тэҥнээтэххэ 15%-нан элбэх. 4 300 эпэрээссийэ ыытыллыбыт, бу 20 %-нан элбэх. Диагностика саҥа ньыматынан 57%-тан тахса онкология ыарыыта эрдэтинэ быһаарыллар», — диэн Айсен Николаев иһитиннэрдэ.

Кини итини сэргэ 2025 сылтан Саха сиригэр онкологическай сулууспа тэриллиэҕэ диэн эбэн эттэ. «Итинэн сибээстээн диагностика болдьоҕо сарбыллыа уонна эмтэнии саҕаланыыта аҕыйыа, аныгы эминэн хааччыйыы тупсуо, үрдүк технологиялаах эпэрээссийэлэр ордук тоҕоостоох буолуохтара. Ити барыта дьулаан ыарыыны ситиһиилээхтик эмтииргэ кыаҕы улаатыннарар», — диэн Ил Дархан Айсен Николаев бэлиэтээтэ.

Санатан эттэххэ, саҥа киин Дьокуускайга судаарыстыба баһылыга Владимир Путин көҕүлээбит «Доруобуйа» национальнай бырайыак чэрчитинэн киллэриллибитэ.