Киин куоракка икки массыына харсыспыт

Тохсунньу 1 күнүгэр киин куоракка Курнатовскай аатынан уулуссаҕа Toyota Succeed  массыына 55 саастаах суоппара утары балаһаҕа тахсан Toyota Spacio массыынаны кытта харсыста.

Суол утары балаһатыгар тахсыбыт суоппар арыгы испит бэлиэлэрдээҕин үрдүнэн мэдиссиинэ бэрэбиэркэтиттэн аккаастаммыт. Административнай боротокуол оҥоһулунна. Буруйдаах 45 тыһ.солк. диэри ыстарааптаныан эбэтэр 1,5-2 сылга диэри көҥүлэ быһыллыан сөп. Бу туһунан Госавтоинспекция пресс-сулууспата суруйар.

Госавтоинспекция сулууспата бырааһынньык өрөбүллэригэр суоппардар суол быраабылатын ирдэбиллэрин кытаанахтык тутуһалларыгар уонна итирик туруктаах уруулга олорортон туттуналларыгар ыҥырар.