Хартыска: sakhagov
Саха сиригэр анал байыаннай дьайыы кыттыылаахтарын дьиэ кэргэттэригэр — 181 ыалга олорор дьиэни гаастааһыҥҥа көмө оҥоһулунна. Бу туһунан өрөспүүбүлүкэ бырабыыталыстыбатын бэрэссэдээтэлин солбуйааччы Георгий Степанов брифиҥҥэ иһитиннэрдэ.
— Саха сиригэр Ил Дархан уураахтарынан уонна да атын нормативнай аакталарынан анал байыаннай дьайыы кыттыылаахтарыгар уонна кинилэр дьиэ кэргэттэригэр тус сыаллаах көмөнү оҥоруу үлэтэ салҕанар. Ол курдук, бүгүн байыастар 639 төрөппүттэрэ куруорка эмтэнэргэ көмө ыллылар, 485 киһи байыаннайдар эмтэнэр сирдэригэр айанныырга үп-харчы көмөтүнэн туһанна, — диэн эттэ Георгий Степанов.
Бырабыыталыстыба бэрэссэдээтэлин солбуйааччы иһитиннэрбитинэн, анал байыаннай дьайыы 1169 кыттыылааҕа уонна кинилэр дьиэ кэргэттэрин 2126 чилиэнэ доруобуйа харыстабылын уонна социальнай хааччыйыы тэрилтэлэригэр реабилитацияны ааспыттар.
752 киһи, ол иһигэр 273 байыас уонна кинилэр дьиэ кэргэттэрин чилиэннэрэ — 479 киһи дьарыктаах буолуу кииннэригэр үлэ булалларыгар көмө көрдөһөн сайабылыанньа биэрбиттэр. Итинтэн 158 киһи идэҕэ үөрэтиигэ ыытылынна, оттон 435 киһи үлэнэн хааччылынна.
Санатан эттэххэ, Ил Дархан Айсен Николаев Судаарыстыбаннай Мунньахха (Ил Түмэн) Туһаайан этиитигэр анал байыаннай дьайыы кыттыылаахтарын гражданскай олоххо төннөн баран, социальнай адаптацияны ааһалларын биир сүрүн соругунан ааттаабыта.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…