19 саастаах уол электроннай табаҕы былдьаан ылбыт

Дьокуускай куорат ИДьМ-ын полиция 2-с №-дээх отделын дьуһуурунай чааһыгар эр киһи кинини халаабыттарын туһунан иһитиннэрбит. Кини Октябрьскай уулуссаҕа турар дьиэ аттынан хааман истэҕинэ электроннай табаҕын күүстэринэн былдьаан ылбыттар диэн СӨ ИДьМ пресс-сулууспата суруйар.

Холуобунай ирдэбил үлэһиттэрэ маныаха Үөһээ Бүлүүттэн сылдьар 19 саастаах эдэр киһи уорбаланарын быһаарбыттар.

Эдэр уол эмсэҕэлээччиттэн табаҕын уларсан баран төннөрбөтөх. Күүһүнэн былдьаан ылбыт уонна куоппут.

Халааһынынан холуобунай дьыала тэрилиннэ.