2023 сылга Дьокуускайга ДСК оройуонугар 990 миэстэлээх оскуола үлэҕэ киириэ

Саха сиригэр иккис улахан оскуоланы — 990 оҕоҕо анаммыт үөрэх тэрилтэтин Дьокуускайга ДСК оройуонугар тутан, 2023 сылга үлэҕэ киллэриэхтэрэ. Чугастааҕы  кэмҥэ тутуу үлэтэ саҕаланыаҕа.

Бу оскуоланы тутуу эрэгийиэннээҕи бырабыыталыстыба уонна «ПроШкола» концессионнай сөбүлэҥ түһэрсиилэрин чэрчитинэн барыаҕа. Бу туһунан СӨ тутууга миниистирин бастакы солбуйааччы Галина Новикова иһитиннэрдэ.

«Бу сыл сэтинньитигэр Дьокуускайга «Прометей» оройуоҥҥа баар 990 миэстэлээх оскуола үлэтин саҕалыаҕа. Оттон 2023 сылга ДСК-ҕа 990 миэстэлээх уонна Жатайга 360 миэстэлээх оскуолалар тутуллуохтара. Сотору кэминэн үлэлэр саҕаланыахтара», — диэн миниистири бастакы солбуйааччы этэр.