Хаартыска: "Саха сирэ" сайт
Ахсынньы 18 күнүгэр Судаарыстыбаннай сыана кэмитиэтин кэллиэгийэтин уонна уопсастыбаннай сэбиэтин чилиэннэрэ 2024 сылга коммунальнай өҥөҕө барыллаан тарыыптары дьүүллэстилэр.
Холобур, олохтоохтор коммунальнай өҥө иһин төлөбүрдэрэ улаатарыгар орто индекс өрөспүүбүлүкэҕэ 9,5 бырыһыаны аһарыа суоҕа.
Судаарыстыбаннай сыана кэмитиэтин бэрэссэдээтэлэ Николай Бочков тарыыптар уларыйар төрүөттэрин туһунан кэпсээтэ.
Сүрүн төрүөттэринэн дойду экэниэмикэтигэр инфляцияны, логистика ороскуотун, биржа табаардарыгар (ол иһигэр, чоххо, ньиэпкэ, дизель оттукка) сыана үрдээһинин ааттаата.
РФ бырабыыталыстыбата киллэрбит индекстэринэн, 2024 сыл от ыйын 1 күнүттэн өрөспүүбүлүкэ олохтоохторо коммунальнай өҥөлөргө төлөбүрдэрин улаатыыта ортотунан 9,5 бырыһыан буолуоҕа. Төлөбүр үрдээһинин орто индексэ бу бырыһыаны аһарыа суохтаах.
Өрөспүүбүлүкэ олохтоохторугар чэпчэтиилээх, ол эбэтэр коммунальнай өҥөлөргө кыччатыллыбыт тарыыптар бааллар. Санатан эттэххэ, дьиэ-уот, коммунальнай өҥөлөрүгэр ороскуоттар чэпчэтиилээх тарыыбынан 15 %, онтон кыра дохуоттаахтарга 0%-15% буолаллар, аадырыстаах субсидиялар көрүллэллэр (Арассыыйаҕа 22 бырыһыан).
Нэһилиэнньэҕэ тарыып уонна экэниэмикэ өттүнэн олохтоммут тарыыптар арыттара өрөспүүбүлүкэ бүддьүөтүттэн толуйуллар. Бу сыалга-сорукка 2024 сылга 41 миллиартан тахса суума ирдэниллэр (бу суума РФ субъектарын ортолоругар саамай үрдүк).
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…
Дьокуускай киинигэр Киров уулуссаҕа баар түүҥҥү аралдьытар тэрилтэ аттыгар түөрт киһи икки уолу кырбаабыттар. Бэрэбиэркэ…