2025 сыл сүрүн ситиһиилэрэ: эдэр артыыс Эрхаан Слепцов

2025 сыл талааннаах бастыҥ ыччатынан Эрхаан Слепцову ааттыыбыт.

“Айхал” диэн Дьулусхан Андросов таһаарбыт сахалыы киинэҕэ сүрүн оруолун толорбут Эрхаан Слепцов быйыл норуокка киэҥник биллибит икки киинэҕэ олус итэҕэтиилээхтик оонньоото. Кини “Сибэкки биэрээри…”, “Абааһы”, “Кыталыктаах кырдалым” курдук дьон сүрэҕин туппут киинэлэргэ оонньоон саха киинэтигэр артыыс быһыытынан бигэтик бэйэтин миэстэтин булла.