Бит-билгэ туһунан

Сахалар билгэлэрэ

Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. 

• Түүн аһыыр остуолга кирдээх иһити, аһы хаалларар сатаммат. Куһаҕан тыыннар кэлэн аһыахтарын сөп.
• Оҕо оонньуурун таһырдьа хоннорор аньыы, атын эйгэ оҕолоро кэлэн оонньуохтара, ыарыыны ыытыахтара. Саҥа төрөөбүт оҕо атаҕын тилэҕин сыллаама — оҕо ыарыһах, аһаах доруобуйалаах буола улаатыа.
• Дьүкээбил күүскэ уонна чаҕылхайдык умайара тыйыс тымныыга. Өрүс, күөл уута күүгэннирэрэ — ардахха. Утуйа сытар ыт тылын таһаарара — куйааска. Тииҥ түүтүн эрдэ уларытара — тымныы түһүүтүгэр. Туппут собоҥ хатырыгыттан хаан тахсара — 2 күнүнэн ардах түһэригэр.

Саха ыалын халандаарыттан

«Айар» кинигэ кыһата, 2024 сыл.