Дьокуускай 202‑с микро-оройуонугар элбэх өҥөнү оҥорор “Патриот” ыччат киинин аһыллыыта ааспыт сыл биир бэлиэ түгэнинэн буолар.
Саҥа эбийиэк Арассыыйа Бэрэсидьиэнэ Владимир Путин уонна Ыччат дьыалаларыгар федеральнай ааҕыныстыба өйөбүллэринэн «Эрэгийиэн — эдэрдэргэ» Бүтүн Арассыыйатааҕы куонкурус, «Арассыыйа — кыахтаах дойду» эрэгийиэннээҕи бырайыак, «Ыччат уонна оҕолор» национальнай бырайыак чэрчитинэн үлэҕэ киирдэ.
Бу киин Саха сиригэр ыччакка анаммыт саамай улахан, аныгылыы былаһааккалартан биирдэстэринэн буолар. Ыччат киинэ киэҥ араҥаҕа — оскуола оҕолоругар, устудьуоннарга, эдэр исписэлиистэргэ, уопсастыбаннай түмсүүлэр бэрэстэбиитэллэригэр уонна эдэр ыалга ананар.
Киин Дьокуускай куорат 202‑с микро-оройуонугар, «Бригантина» дьиэҕэ 3200 кв. м тахса иэннээх сири ылар. Саха Өрөспүүбүлүкэтин Ыччат дьыалаларын министиэристибэтин чахчытынан, инникитин толору үлэлээн бардаҕына, 120 тыһыынчаттан тахса киһини хабыахтаах. Билиҥҥитэ кииҥҥэ 12 ыччат тэрилтэтэ баар, салгыы өссө кэҥиэхтээх. Салайааччы Сулустан Заболоцкай эппитинэн, билигин уопсастыбаннай тэрилтэлэртэн сайаапкалары хомуйаллар. Саамай элбэх сайаапка киберпространствоҕа киирбит.
«Патриот» ыччат киинэ хас да зонаны холбуур, хас биирдиитэ туспа дьарыкка ананар. Икки этээһинэн айар үлэнэн дьарыктанар устуудьуйалар бааллар: манна уруһуйунан, хаартыскаҕа түһэриинэн, тыйаатыр ускуустубатынан уонна муусуканан дьарыктаныахха сөп. Араас устуудьуйалар, оҕолоох ийэлэр кэлэн дьарыктаналларыгар, оҕолор оонньуулларыгар туспа саала, Ийэ уонна оҕо сынньанарыгар анал хос кытары баар. Эти-хааны сайыннарарга тренажернай саалаҕа аныгы успуорт снарядтара бааллар.
Онон аныгы тэрил уонна табыгастаах эйгэ айар-тутар санаалары олоххо киллэрэргэ туох баар усулуобуйа тэриллибит. Аны үлэ миэстэтин тэрийиигэ, фрилансердарга, ыраахтан үлэлиир дьоҥҥо уонна урбаанньыттарга офис оннугар коворкинг хосторо бааллар. Өссө графика устуудьуйата, маастар-кылаастары, сэминээрдэри ыытарга, видеороликтары, биэриилэри, подкастары устарга аныгылыы оборудованиелаах былаһааккалар бааллар. Кииҥҥэ кэмпириэнс-саала, кэнсиэртиир саала эмиэ баар, онно урбаантан саҕалаан уопсастыбаннай көҕүлээһин тиэмэлэригэр араас сэминээрдэр, лиэксийэлэр уонна эрчиллиилэр ыытыллыахтара
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…