2025 сылга ыччат пуорумнарыгар кыттыҥ

Саха сирин ыччата Росмолодежь саҥа сезонун пуорумнарыгар кыттыан сөп. Быйыл 25 эрэгийиэҥҥэ 27 араас тэрээһин күүтэр.

Калининградтан Камчаткаҕа, Донбааһы, Новороссияны киллэрэн туран. Сайаапканы Росмолодёжь.Форумы биэриэххэ сөп.

Пуорумнарга 14-35 диэри саастаах ыччаттар, науканы, үөрэҕи, профессиональнай сайдыыны, урбааны, успуорду, экологияны, туризмы, медианы,  IT, уо.д.а хайысхаларынан сибээстээхтэр, сэргээччилэр, сэҥээрээччилэр кыттыахтарын сөп.

Пуорум — бэйэ дьоҕурун арыйарга, сэҥээрэр тиэмэҕин ырытан көрөргө, улахан хампаанньаларга уонна госкорпорацияларга стажировкаланарга, инники күөҥҥэ сылдьар тэрилтэлэргэ экскурсиялыырга, саҥа куораттарга, эрэгийиэннэргэ ыалдьыттыырга, түмэллэргэ, устуоруйаны кэпсиир, кэрэһилиир эбийиэктэргэ сылдьарга, похуокка барарга, хайаҕа тахсарга, уо.д.а. кыаҕы биэрэр.

Хас биирдии пуорум эдэр дьоҥҥо бэйэ баҕатынан уонна үтүө санаанан салайтарар тэрээһиҥҥэ кыттарыгар суолу арыйар. Ааспыт 2024 сылга кыттааччылар 22 туонна гуманитарнай көмөнү хомуйбуттара, 600 м тахсалаах хаххалыыр сиэккэни бэлэмнээбиттэрэ, 1100 л хаан туттарбыттара, 104 социальнай уонна судаарыстыбаннай тэрилтэлэргэ көмөлөспүттэрэ.

Аны билигин дьиэ кэргэнинэн пуорумнарга кэлиэххэ эмиэ сөп. Маныаха «Истоки» история-култуура киинэ дьиэ кэргэн симиэнэтин арыйар. Манна оҕолорго, төрөппүттэргэ бииргэ уонна тус-туспа араас тиэмэлээх дьарыктар ыытыллаллар. Быйыл «Территория смыслов» пуоруму «Семья» симиэнэ арыйар. Манна үгэһи, дьиэ кэргэн сыаннастарын өйүүрү, көлүөнэттэн көлүөнэҕэ тиэрдиини дьүүллэһиэхтэрэ.

Улуу Кыайыы 80 сылынан уонна Аҕа дойдуну көмүскээһин сылынан пуорумҥа туспа чаас ананар. Былаһааккаларга архыыптар быыстапкалара, «Без срока давности» бырайыак иитинэн көрсүһүүлэр уо.д.а. күүтэллэр.

Сиһилии: https://www.sakha.gov.ru/news/5505