Ыччат пуорумугар регистрация  от ыйын 25 күнүгэр түмүктэниэҕэ

Балаҕан ыйын 8-11 күннэригэр Санкт-Петербурга  Арассыыйа ыччатын платформатын социальнай билиниигэ Бүтүн Арассыыйатааҕы пуорум ыытыллыаҕа.

Пуорум Арассыыйаттан 600 ыччаты – социальнай эйгэ идэлэрин бэрэстэбиитэллэрин эрэ буолбакка,  инники олохторун дьону кытары үлэҕэ сибээстиир 14-17 саастаах эдэр дьону аан бастаан түмүөҕэ.

Пуорумҥа эдэр исписэлиистэр  уопуттарын уонна бастыҥ быраактыкаларын атастаһалларыгар былаһаакка үлэлиэҕэ. Онно кэмиэрчэскэйэ суох сектор эйгэтигэр ситиһиилэри уонна дьоһун суолталаах боппуруостары, кэмиэрчэскэйэ суох тэрилтэлэр куорат социальнай-экэнэмиичэскэй сайдыытыгар миэстэлэрин уонна оруолларын, судаарыстыбаннай былаас уорганнарын кытары хардарыта бииргэ үлэлээһин боппуруостарын дьүүллэһиэхтэрэ.

Пуорум сыала-соруга – дьоҥҥо сулууспалыыр аналы талбыт эдэр дьону  көҕүлээһин. Пуорум кыттааччыларга чахчы да өрө көтөҕүллүүнэн буолуоҕа.