2025 сылтан  суоппардарга ыстараап 50% үрдүө

Судаарыстыбаннай Дуумаҕа көрүллүбүт сокуон барылынан, холобур, тырааныспарынан 40 км/ч түргэн тэтимнээхтик сырыы иһин ыстараап 500 солкуобайтан 750 солк. диэри улаатыа.

Ити курдук түргэн тэтимнээхтик сырыы иһин административнай ыстараап 2025 сыл тохсунньу 1 күнүттэн 50% үрдүөҕэ. Судаарыстыбаннай тутууга уонна сокуону оҥорууга кэмитиэтэ бигэргэппит сокуон барылын Судаарыстыбаннай Дуума иккис ааҕыыга ылынна уонна парламент электроннай баазатыгар таһаарда диэн «Газета.ру» иһитиннэрэр.

Сокуон барылынан 20 км/ч уонна 40 км/ч түргэн тэтимнээхтик сырыы иһин ыстараап 500 солкуобайтан 750 солк. диэри улаатыаҕа. Ол курдук ыстаарап 1 тыһ. солкуобайтан 1,5 тыһ. солк. диэри улаатара күүтүллэр. Быраабыланы иккис төгүл кэһии түбэлтэтигэр 3 тыһ. солкуобайтан 3,75 тыһ. солк. диэри үрдүүр.

Кыһыл светофорга айаннаабыт буруйдаах суоппардар 1500 солк. төлүөхтэрэ, итирик туруктаах сылдьан тутуллар түгэнигэр 45000 солк. ыстараап көрүллэр, мэдиссиинэ көрүүтүттэн аккаастаммыттар – 45000 солк. бириэхтэрэ, көҥүлэ суох сиргэ уҥа-хаҥас туорааһыҥҥа – 2500 солк., суол бэлиэлэрин тутуспат түгэнигэр — 750 солк., суол кытыытытан айааннааччылар — 2500 солк., тырааныспар курун бааммакка олорооччулар – 1500 солк.

Ыстараап суумата лаппа улаатар, ону таһынан 20 күн устата чэпчэтиинэн ыстараап төлүүр кыаҕы сарбыйыахтара. Ону сэргэ ыстарааптан киирбит дохуот сорҕотун федеральнай бүддьүөт туһатыгар ыларга быһаардылар.