Быйылгы страховой биэнсийэ орто кээмэйэ билиннэ

Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.

Бу туһунан Судаарыстыбаннай Дуума Бүддьүөккэ уонна түһээн кэмитиэтин баһылыгын солбуйааччыта Каплан Панеш иһитиннэрдэ.

«Социальнай пуонда бүддьүөтэ ааҕыллыытынан, 2026 сылга  сааһынан страховой биэнсийэ орто кээмэйэ 27 117 солкуобай буолуоҕа», — диэн РИА Новости Каплан Панеш эттэ.

Бу иннинэ бырабыыталыстыба ый аайы төлөнөр страховой төлөбүрдэри инфляция таһымыттан намтаабатын туһугар индексациялыыр былааны бигэргэппитэ.

Сыл саҕаланыаҕыттан балтараа сааһыгар диэри оҕону көрүүгэ-харайыыга уоппусканы страховой ыстааска киллэрбиттэрэ, диэн RT санатта.