2027 сылга хамнас орто кээмэйэ 123 880 солк. тэҥнэһиэ

Арассыыйа олохтоохторун хамнастара 2025 сылга 16,8% үрдүөҕэ, оттон 2028 сылга  51,15%-нан эбиллиэҕэ.

Ол эрээри үлэ тэтимэ, күүтүллэрин курдук, таҥнары түһүөҕэ. Маннык дааннайдары 2026-2028 сылларга дойду социальнай-экэнэмиичэскэй сайдыыларын барылларын РФ Экэниэмикэҕэ сайдыытын министиэристибэтэ бэлэмнээтэ. Ол туһунан «Ведомости» суруйар.

Базовай таһымынан 2025 сылга хамнас кээмэйэ 102728 солк. чугаһыаҕа. Ол кэнниттэн улаатыы тэтимэ бытаарыа. Ол курдук, 2026 сылга хамнас — 11,4% (114 420 солк.), 2027 сылга — 8,3% (123 880 солк.) диэри үрдүө.

Онуоха инфляция хамсааһынын учуоттаан, хамнас уларыйыыта намыһах буолара күүтүллэр. Чуолаан, 2025 сылга үүнүү — 6,8%, 2026 сылга — 5,7% буолуоҕа. Салгыы 2027-2028 сылларга 4,1% уонна 3,2 % тэҥнэһэрэ сабаҕаланар.

Маны таһынан үлэһит күүһүн ахсаана 2025 сылга — 76,2 мөл. киһиэхэ, 2028 сылга — 76,5 мөл. киһиэхэ диэри улаатара бэлиэтэнэр.