Сайаана Львова хаартыската
«Куораттыын быһа эпиир» биэриигэ Дьокуускай куорат баһылыга Евгений Григорьев «наливайкалар» диэн ааттанар арыгы атыылыыр туочукалары кытта ыаллаһан олорортон эрэйи-муҥу көрөр олохтоохтор ыйытыыларыгар хоруйдаата. Куорат олохтоохторо Стадухин уонна Халтурин уулуссаларга баар дьиэлэр аттыларыгар суукканы быһа үлэлиир бардар буруйу оҥоруу тахсар усулуобуйатын уонна антисанитарияны үөскэтэллэрин туһунан үҥүстүлэр.
Дьокуускай баһылыга дьиҥнээхтик ити арыгы туочукаларыгар олохтоохтортон ордук элбэх үҥсүү киирэрин бэлиэтээтэ, диэн Дьокуускай куорат дьаһалтатын пресс-сулууспата иһитиннэрэр.
«Наливайкалартан кыһалҕалары көрсөр олохтоохтор үҥсүүлэрин аахайбакка хааларар сатаммат. Өскөтүн уопсастыбаннай аһылык тэрилтэтэ диэн ааттаннаххына, туһанааччыларга анаан судургу усулуобуйалар – иһигэр туалет, куухуньа баар буолуохтаахтар. Бу тэрилтэлэргэ арыгыны эрэ атыылыыр өйдөбүлүнэн салайтарар табыллыбат», — диэн Евгений Григорьев эттэ. Лиссиэнсийэнэн арыгы атыылыыр маҕаһыыннар тустарынан Евгений Григорьев Дьокуускай куорат дьаһалтатын уурааҕын санатан эттэ. Ол уурааҕынан арыгы маҕаһыыннарыттан социальнай тэрилтэлэргэ диэри ырааҕа, аантан ааҥҥа диэри, 300 миэтэрэттэн ордуга суох буолуохтаах. «Лиссиэнсийэ уһатыллар болдьоҕо бүттэҕинэ, арыгы маҕаһыыннара хас хардыы аайы социальнай тэрилтэлэр баар куорат киинигэр аны арыгыны атыылыыр кыахтара тохтотуллар. Ол курдук, саамай хойутаабыта 2030 сылга куорат киинигэр арыгы маҕаһыыннара суох буолуохтара. Ону кытта тэҥҥэ биһиги “наливайкалары” утары үлэни салгыахпыт, оҕолор оскуолаҕа сылдьар сирдэригэр, куорат киинигэр арыгыны бэрээдэгэ суох иһэр туочукалар суох буолалларын ситиһиэхпит», — диэн куорат баһылыга эттэ.
Мииринэй куоракка Ийэ дойду көмүскээччилэрин өйөөн аһымал кэнсиэр тэрилиннэ. Хомуллубут үп-харчы бүтүннүүтэ байыаннай дьайыы кыттыылаахтарыгар…
Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар…
Камчатка кыраайын Елизово куоратыгар пауэрлифтиҥҥэ Уһук Илин федеральнай уокурук чөмпүйэнээтэ ыытылынна. Күрэхтэһии чаҕылхай кыттааччыларын быыстарыгар…
ИДьМ сулууспатын «Дьокуускайдааҕы» 2 №-дээх полициятын отделын дьуһуурунай чааһыгар дьахтар кыбартыыратыттан икки тэлэбиисэри уорбуттарын туһунан…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайыытынан социальнай эбийиэктэр тутууларын боппуруостарыгар мунньах ыытылынна. Мунньахха…
Сааны бас билээччилэр федеральнай сокуонунан көрүллэр быраабылалары кытаанахтык тутуһуохтаахтар, диэн Росгвардия пресс-сулууспата санатар. Гражданин ханнык…