Хаартыска: СИА.
Мииринэйгэ «Притяжение Мирного» диэн бэстибээл буолла. Бэстибээлгэ 250 лиитэрэ балык миинин буһаран, ыалдьыттары күндүлээтилэр.
Бэстибээл куорат киин болуоссатыгар — Ленин болуоссатыгар буолла. Кэнсиэр, араас оонньуулар, күрэстэр ыытыллан, кэлбит дьону сэргэхситтилэр.
Маны тэҥэ, Чернышевскайдааҕы балык собуотугар иитиллэр форель балыктан миин буһаран, дьону-сэргэни босхо күндүлээн, үөртүлэр. Манна диэн эттэххэ, Чернышевскайга эрэ сыаналаах балыктары үөскэтэллэр, иитэллэр.
Дыргыл сыттаах, хойуу, минньигэс миини «Зарница» эрэстэрээн бастыҥ повардара буһардылар. Повардар хамаандаларын «АЛРОСА-торг» бренд-шеф салайааччыта, Chefs Team Russia Арассыыйа шеф-повардарын ассоциацияларын чилиэнэ Андрей Никишин салайда.
«Притяжение Мирного» бэстибээл быйыл аан бастакытын ыытылынна. Мииринэй куорат бырамыысыланнас, алмаас киинэ буоларын билиһиннэрэрин таһынан, олохтоохтор чаҕылхай култуурунай, спортивнай олохторун сырдатар сыаллаах. Мииринэй — киһи олороругар, оҕо сайдарыгар олус табыгастаах, тупсаҕай куорат. Манна уһуйааннарга, поликлиникаларга уочарат суох, үрдүк хамнастаах үлэ баар.
Бэстибээлгэ «Алмазная долина» баазаҕа хайа хайыһарыгар, сноубордка күрэхтэһиилэр ыытыллыбыттара. 70-тан тахса спортсмен күрэхтэспитэ. Бириис пуондата — 1,6 мөлүйүөн солкуобай.
Маны тэҥэ, «Вкусный Мирный» гастрономическай аһылыкка Мииринэйгэ олорор омуктар — нууччалар, сахалар, бүрээттэр, татаардар, башкирдар, эрмээннэр, азербайджаннар бэйэлэрин норуоттарын куукунатын, астарын-үөллэрин, ырыаларын-үҥкүүлэрин, үгэстэрин билиһиннэрдилэр.
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…