Хас биирдии улууска уонна куоракка уопсастыбаннай түмсүүлэр социальнай ситимнэргэ аһаҕас куоластааһынынан настаабынньык-педагогу талыахтара. Кыайыылаахтар Учуутал күнүгэр Ил Дархан бириэмийэтин тутуохтара.
— 2023 сыл дойдуга Уһуйааччы уонна настаабынньык сылынан биллэриллибитэ. Бэрэсидьиэн бу ыйааҕа уһуйааччы суолтатын үрдэтэр, үөрэҕирии эйгэтигэр үгэстэри салгыыр кэриҥнээх. Бэрэсидьиэн ыйааҕын өйөөн, быйыл 36 уһуйааччы-настаабынньыкка 100-түү тыһыынча солкуобайдаах бириэмийэни олохтуубун, — диэн Айсен Николаев этэн турар.
Быйыл Үлэ сылыгар өрөспүүбүлүкэҕэ учуутал идэтин суолтатын үрдэтэргэ 60-тан тахса тэрээһин ыытыллыахтаах. Биир бастакы тэрээһининэн РФ норуодунай учууталын аатын ылбыт, Өрөспүүбүлүкэтээҕи лиссиэй-интэринээт физикаҕа учуутала Виктор Филиппович Потаповы чиэстээһин буолуоҕа.
Хас биирдии сэлиэнньэҕэ, үлэ кэлэктиибигэр педагогтары, бэтэрээннэри, настаабынньыктары, бастыҥ учууталлары, педагогическай династиялары чиэстээһин, наҕараадалааһын буолуоҕа. “Тыа сирин оскуолата” диэн педагогическай дьаарбаҥка бары улуустары хабан ыытыллыаҕа. Үөрэтэр пуорумнар, устудьуоннар педагогическай этэрээттэрин бэстибээлэ, “Учуутал идэтэ” аахсыйа, о.д.а. тэрээһиннэр ыытыллыахтара.
“Земскэй учуутал” федеральнай бырагыраамаҕа 22 квота олохтонно. Докумуоннары тохсунньу 10 күнүттэн саҕалаан, муус устар 15 күнүгэр диэри туталлар. Билиҥҥитэ 22 сайаапка номнуо киирэн сытар. Маны тэҥэ, хоту сиргэ учууталлары дьиэнэн хааччыйар “Арктика учуутала” бырайыак салҕаныаҕа.
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…
Биир даҕаны Саҥа дьыл салюта суох буолбат. Сорохтор түүн 12 ч. көрсөн баран оҕолуун-уруулуун тутуспутунан…
Ахсынньы 28 күнүнээҕи туругунан, өрөспүүбүлүкэҕэ бу сыл устата 694 суол саахала таҕыста, 80 киһи өлбүт,…
Бүлүү улууһун урбаанньыттара элбэх оҕолоох ыалларга, анал байыаннай эпэрээссийэ кыттыылаахтарын оҕолоругар Саҥа дьыллааҕы бэлэхтэри туттарар…
Ахсынньы 28 күнүгэр олохтоох бириэмэнэн 22:18 чааска «Восточнай» космодромтан «Союз-2.1б» аракыата көтөн, тобохторо Саха сирин…
Дьокуускай куоракка оперативниктар таҥаһы-сабы атыылыыр туһунан сымыйа биллэриини таһааран түөкүннээһиҥҥэ уорбаланар киһини туттулар. Ол курдук…