399-с №-дээх Лермонтовскай быыбардыыр учаастагар эрэллэрэ улахан
Бүгүн дойду сүрүн быыбарын иккис күнэ. Саха сиригэр бэҕэһээ куоластааһын үрдүк көрдөрүүлээҕин бэлиэтээбиттэрэ.
Ньурба куоратын 399-с №-дээх Лермонтовскай быыбардыыр учаастагар эмиэ көрдөрүү үчүгэй. Бу учаастакка испииһэгинэн барыта 556 быыбардааччы баар. Быыбар үлэтин 7 хамыыһыйа чилиэнэ тэрийэн ыытар. Учаастактааҕы быыбардыыр хамыыһыйа бэрэссэдээтэлинэн Изабелла Касьянова үлэлиир.
Бастакы күн 215 быыбардааччы, ол иһигэр дьиэҕэ ыҥыран 4 киһи куоластаабыта. Быыбар учаастагар уопсастыбаннай балаататтан икки кэтээн көрөөччү кыраҕытык маныыр.
Бүгүн уонна сарсын өссө икки күн баар, 399-с №-дээх Лермонтовскай быыбардыыр учаастак нэһилиэнньэ көхтөөхтүк кэлэн кыттыа, куоластааһын 70 % тиийиэ диэн быыбар хамыыһыйатын чилиэннэрэ эрэнэллэр.
Хаартыскалар 399-с быыбардыыр учаастактан
Сообщить об опечатке
Текст, который будет отправлен нашим редакторам: