Хаартыскаҕа Е. Турантаева түһэриитэ
Уус Алдан улууһугар Бороҕоҥҥо бильярды таптааччыларга бэртээхэй күрэхтэһии буолла.
Манна биэс уоннарыттан үөһээ саастаахтарга аһаҕас коммерческай турнир ыытылынна. Күрэхтэһиини олохтоохтор А.Н.Турантаев уонна М.М.Макеев, дьону-сэргэни сэргэхситэр туһуттан күүрээннээх күрэхтэһиини тэрийэн ыыттылар. Маннык күрэхтэһиилэргэ анаан, А.Н.Турантаев бэйэтин дьиэтигэр аҕыс атахтаах мраморнай бильярд остуолун туруорбут.
Күрэхтэһии түһүлгэтигэр араас нэһилиэктэртэн ох курдук оҥостон 15 киһи кытта кэлбит. Бильярдааччылар эрбии тииһин курдук эгил-тэгил эристилэр, илин-кэлин түһүстүлэр. Дьон-сэргэ күрэхтэһииттэн сүргэлэрэ көтөҕүлүннэ, улаханнык көнньүөрдүлэр, сэргэхсийдилэр. Бириистэрэ сааскы куска аналлаах саа ботуруоннара. Маны таһынан, олохтоох нэһилиэк салалтата икки бирииһи туруорбут. Көлүөһэ үрдэрэр компрессор уонна болгарка.
Күрэхтэһии түмүгүнэн, 1 миэстэни дьиэлээх хаһаайын А.Н.Турантаев ылан үөрдэ-көттө. Иккис бириистээх миэстэҕэ тилэх үктэһэн Дүпсүнтэн оҥостон кэлбит В.В.Сивцев таҕыста. Үһүс бочуоттаах миэстэни Кэптэниттэн кэлбит А.Никифоров уонна Майаҕастан кыттыбыт Ю.Кычкин ыллылар.
Бильярд оонньуута улууспутугар күн-түүн дьон сэҥээриитин ылара күүһүрэн иһэрин учуоттаан, быйыл үлэҕэ киириэхтээх саҥа спортивнай комплекска спорт бу көрүҥэр бильярдка анаан миэстэ биэрэллэрэ буоллар диэн санаалаахпыт дэһэллэр улуус олохтоохторо.
Иван Сивцев-Бээди
Бу күннэргэ Япония Осако куоратыгар Аан дойдутааҕы ЭКСПО быыстапката түмүктэннэ. Киһи аймах өркөн өйө олоҕу…
Дьокуускай куорат 1 нүөмэрдээх поликлиникатыгар НГМ (система непрерывного мониторинга глюкозы) систиэмэни 1 тииптээх саахарынай диабеттаах…
Бу күннэргэ өрөспүүбүлүкэҕэ «Нелегал» эпэрээссийэ ыытылла турар. Тэрээһин алтынньы 22 күнүгэр диэри ыытыллыаҕа. [gallery ids="247795,247796,247797"]…
2026 сылга дьиэ кэргэн нолуогун төлөбүрүн икки уонна онтон элбэх оҕолоох 7 мөлүйүөнтэн тахса үлэлиир…
Дьокуускай куоракка алтынньы 17-31 күннэригэр ыытыллар “Чайковский-фест. Якутск” опера-балет бэстибээлигэр Мариинскай уонна Улахан тыйаатыр, ону…
Бу нэдиэлэҕэ Красноярскайга Арассыыйа успуордун үтүөлээх маастара Заур Батаев бирииһигэр Бүтүн Арассыыйатааҕы көҥүл тустууга турнир …