Бороҕоҥҥо бильярд оонньууллар

Бороҕоҥҥо бильярд оонньууллар

Ааптар:
12.04.2023, 17:00
Хаартыскаҕа Е. Турантаева түһэриитэ
Бөлөххө киир:

Уус Алдан улууһугар Бороҕоҥҥо бильярды таптааччыларга бэртээхэй күрэхтэһии буолла. 

Манна биэс уоннарыттан үөһээ саастаахтарга аһаҕас коммерческай турнир ыытылынна. Күрэхтэһиини олохтоохтор А.Н.Турантаев уонна М.М.Макеев, дьону-сэргэни сэргэхситэр туһуттан күүрээннээх күрэхтэһиини тэрийэн ыыттылар. Маннык күрэхтэһиилэргэ анаан, А.Н.Турантаев бэйэтин дьиэтигэр аҕыс атахтаах мраморнай бильярд остуолун туруорбут.

Хаартыскаҕа Е.Турантаева түһэриитэ

Күрэхтэһии түһүлгэтигэр араас нэһилиэктэртэн ох курдук оҥостон 15 киһи кытта кэлбит. Бильярдааччылар эрбии тииһин курдук эгил-тэгил эристилэр, илин-кэлин түһүстүлэр. Дьон-сэргэ күрэхтэһииттэн сүргэлэрэ көтөҕүлүннэ, улаханнык көнньүөрдүлэр, сэргэхсийдилэр. Бириистэрэ сааскы куска аналлаах саа ботуруоннара. Маны таһынан, олохтоох нэһилиэк салалтата икки бирииһи туруорбут. Көлүөһэ үрдэрэр компрессор уонна болгарка.

Хаартыскаҕа Е.Турантаева түһэриитэ

Күрэхтэһии түмүгүнэн, 1 миэстэни дьиэлээх хаһаайын А.Н.Турантаев ылан үөрдэ-көттө. Иккис бириистээх миэстэҕэ тилэх үктэһэн Дүпсүнтэн оҥостон кэлбит В.В.Сивцев таҕыста. Үһүс бочуоттаах миэстэни Кэптэниттэн кэлбит А.Никифоров уонна Майаҕастан кыттыбыт Ю.Кычкин ыллылар.

Бильярд оонньуута улууспутугар күн-түүн дьон сэҥээриитин ылара күүһүрэн иһэрин учуоттаан, быйыл үлэҕэ киириэхтээх саҥа спортивнай комплекска спорт бу көрүҥэр бильярдка анаан миэстэ биэрэллэрэ буоллар диэн санаалаахпыт дэһэллэр улуус олохтоохторо.

Иван Сивцев-Бээди

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июля
  • 30°C
  • Ощущается: 29°Влажность: 37% Скорость ветра: 4 м/с

Сообщить об опечатке

Текст, который будет отправлен нашим редакторам: