Доруобуйаны чэбдигирдэр киин байыастар дьонноругар көмөлөһөр
Оҕо доруобуйатын чэбдигирдэр өрөспүүбүлүкэтээҕи киин байыастар дьиэ кэргэттэригэр көмөлөһөр.
Ил Дархан Айсен Николаев сорудаҕынан, оҕо доруобуйатын чэбдигирдэр өрөспүүбүлүкэтээҕи киин байыастар дьиэ кэргэттэригэр көмөтүн салгыыр. Бу кэм устата киин көмөтүнэн уопсайа дьиэ кэргэн 120 чилиэнэ, ол эбэтэр 43 улахан киһи, 77 оҕо туһанна. Бу туһунан доруобуйаларыгар хааччахтаах оҕолор доруобуйаларын чөлүгэр түһэрэр өрөспүүбүлүкэтээҕи киин дириэктэрэ Зинаида Максимова иһитиннэрдэ.
«Биһиэхэ ийэлэр, эбэлэр уонна эһэлэр кэлэллэр. Оҕолор бастаан кэлим диагностиканы ааһаллар. Ол түмүгүнэн чөлгө түһүүгэ, чэбдигириигэ сылдьарга ыйынньыктары ылаллар. Манна доруобуйаны чэбдигирдии, чөлгө түһэрии үлэлэрэ ыытыллалларын таһынан, успуорт саалаларыгар, сөтүөлүүрн сиргэ (бассейн) сылдьаллар, массажтаналлар, ону таһынан эбии дьарыктар көрүллэллэр. Психологическай көмө эмиэ оҥоһуллар», – диир Зинаида Максимова. Психологическай көмө оҕолор төрөппүттэригэр, эбэлэригэр, эһэлэригэр, атын сокуоннай бэрэстэбиитэллэригэр эмиэ оҥоһуллар.
Сиһилии https://www.sakha.gov.ru/news/front/view/id/3366912 ааҕыҥ.
Бэчээккэ бэлэмнээтэ Эльдар Садовников.
Сообщить об опечатке
Текст, который будет отправлен нашим редакторам: